લોકડાઉન / તમારા ઘર, બાળકો અને પરિવાર પર ધ્યાન આપવાનો બેસ્ટ સમય છે લોકડાઉન, તો કરી લો આ કામ

• હાલ દેશમાં લોકડાઉન ચાલી રહ્યું છે
• આ સમયમાં પરેશાન ન થવું નહીં
• અત્યારે સમયનો કરો પ્રોપર ઉપયોગ

બાળકો સાથે વિતાવો મેક્સિમમ ટાઇમ

બાળકોને હોમવર્ક કરાવો, બાળકો સાથે રમો. તેમની સાથે બેસીને કાર્ટુન કે ફિલ્મો જુઓ. બાળકો સાથે ઇન્ડોર ગેમ્સ રમો. આ બધા અનુભવો સાથે તમારા મકાનને ઘર બનાવો. બાળકો અને પત્ની માટે તેની ગમતી વાનગી બનાવવાનો ટ્રાય કરો. બાળકો માટે કેક બનાવો. અલગ અલગ રેસિપિ ટ્રાય કરો. પત્ની માટે તેને ગમતી વાનગી બનાવો. 

સમય સમય બલવાન

અત્યારે આખી દુનિયાને એક વાત તો સમજમાં આવી જ ગઇ છે કે સમયથી વધીને કંઇજ નથી. એક સમય એ હતો જ્યારે દુનિયા પાસે એકબીજાને જોવાનો પણ સમય ન હતો. આજે બધાની પાસે માત્ર એક જ વસ્તુ છે સમય. બસ તો તેને જીવી લો. કોરોના ખત્મ થઇ જાય ત્યારે કેટલીક સારી યાદો લઇને નીકળવું જોઇએ. 

કોરોનાની કહાની

કોરોના એક નવી જ વસ્તુ છે. આપણે અત્યારે જે કહાની જીવી રહ્યા છીએ તે આપણી આવનારી પેઢીને જણાવીશું. આજની પરિસ્થિતિએ સંબંધો અને પરિવારનું મહત્ત્વ વધારી દીધુ છે. તમારા ઘરની આસપાસ રહેતા લોકોની હાલત પણ પુછતા રહો. કોઇ વ્યક્તિ એકલુ હોય તો તેને સપોર્ટ કરો. તમારી જાત સાથે એક વાયદો કરો કે કાલે જ્યારે લોકડાઉન ખુલશે ત્યારે પણ તમે તમારા પરિવાર માટે સમય કાઢવા તૈયાર રહેશો. તેમને ફરિયાદનો કોઇ મોકો નહીં આપો.