Sunday, August 18, 2019
સબસ્ક્રાઈબ કરો VTVGujarati ન્યુઝ Whatsapp

રિલેશનશીપ / પુરુષની પૂરતી ઊંઘ પત્નીની ગર્ભઘારણની સંભાવનામાં કરી શકે છે વધારો

પુરુષની પૂરતી ઊંઘ પત્નીની ગર્ભઘારણની સંભાવનામાં કરી શકે છે વધારો

ગર્ભધારણ કરવા માટે મહિલાઓ પોતાની પ્રજનન ક્ષમતાને વધારવા માટે ઘણા કામ કરે છે. અલગ અલગ ખાવાની ચીજોને અજમાવાની સાથે સાથે એ વિવિધ પ્રકારની એક્સરસાઇઝ ટ્રાય કરે છે. પરંતુ આ બધામાં શું તમે જાણો છો કે તમારા પાર્ટનરની ઊંઘ પણ આ મામલે મહત્વની ભૂમિકા નિભાવે છે.

જી હાં તાજેતરમાં એક અધ્યયનમાં આ વાત સામે આવી છે કે પત્નીની ગર્ભધારણ કરવાની શક્યતા પતિનિ ઊંઘથી વધી અથવા ઘટી શકે છે. 

શું કહે છે અધ્યયન
બૉસ્ટનની એક યૂનિવર્સિટીના શોધકર્તાઓએ જણાવ્યું કે જ્યારે પુરુષ રાતે 7 થી 8 કલાકની ઊંઘ લે છે તો એમના શુક્રાણુઓનું ઉત્પાદન અને ગતિશીલતા વધી જાય છે. 7 થી 8 કલાકની ઊંધ સામાન્ય માનવામાં આવે છે.

શોધકર્તાઓએ 790 કપલ્સ પર રિર્સ કર્યું જે બાળકો માટે પ્લાનિંગ કરી રહ્યા હતા. આ લોકોને એમના સૂવાની રીત અને જીવનશૈલીથી સંબંધિત કેટલાક પ્રશ્નો પૂછવામાં આવ્યા.

એક વર્ષ સુધી શોધકર્તાઓએ આ તમામ કપલ્સનો ફોલોઅપ લીધું અને પૂછ્યું કે એમની પત્નીએ કેટલું જલ્દી ગર્ભધારણ કર્યું. એમાં જાણવા મળ્યું કે જે પુરુષ 6 કલાકથી ઓછું અથવા 9 કલાકથી વધારે સૂવે છે એમના પાર્ટનરની પ્રેગનેન્ટ થવાની શક્યતા 8 કલાક ઊંઘ લેનાર પુરુષોની સરખામણીએ 45 ટકા ઓછી હતી. 

એવું પણ નોટીસ કરવામાં આવ્યું કે જે પુરુષોને રાતે ઊંઘ આવવામાં પરેશાની હતી એમને સફળ ગર્ભનિરોધકની શક્યતા ઓછી હતી. 

ટેસ્ટોસ્ટેરોન લેવલના કારણે પુરુષોની ઊંઘની અસર એમની પત્નીના ગર્ભધારણ પર પડે છે. જો કે આ અધ્યયનમાં પુરુષોના ટેસ્ટોસ્ટેરોન લેવલની તપાસ કરવામાં આવી નહતી. આ હોર્મોન પ્રજનન પ્રક્રિયામાં મહત્વની ભૂમિતા નિભાવે છે. 

અન્ય સ્વાસ્થ્ય સંબંધી સમસ્યાઓની અસર પણ ઊંઘ અને પ્રજનન ક્ષમતા પર પડે છે. પરંતુ આ સ્ટડી અનુસાર જો તમે ગર્ભધારણ કરવાનું વિચારી રહ્યા છો તો તમારે તમારી અને તમારા પાર્ટનર બંનેના સ્વાસ્થ્યનું ધ્યાન રાખવું જોઇએ. પૂરતી ઊંઘ લેવાથી તમારી પત્નીની ગર્ભધારણની શક્યતા વધી શકે છે. 

જોવા જેવું વધુ જુઓ

બ્રેકિંગ ન્યૂઝ