ટેક્સનું ભારણ / એક સામાન્ય માણસ 100 રૂપિયાના પેટ્રોલ પર કેટલો આપે છે ટેક્સ, પેટ્રોલ પંપ પર જતા પહેલા જોઈ લો આ ગણિત

• રશિયા અને યુક્રેન જંગની અસર વર્તાવા લાગી
• પેટ્રોલ અને ડીઝલના ભાવમાં વધારો
• 100 રૂપિયાના પેટ્રોલ પર કેટલો ટેક્સ આપવો પડે છે ?

રશિયા અને યુક્રેન વચ્ચે ચાલી રહેલા જંગની વચ્ચે ક્રૂડ ઓયલના ભાવ ભડકે બળે છે, જેની અસર ભારતમાં પણ દેખાઈ રહી છે. ભારતમાં પેટ્રોલ અને ડીઝલના ભાવમાં છેલ્લા બે દિવસથી વધવાના શરૂ થઈ ગયા છે. બુધવારે પણ 80 પૈસા લીટરે વધ્યા છે. તેલ કંપનીઓનું કહેવુ છે કે, ક્રૂડ ઓયલમાં આવેલો ઉછાળાથી મજબૂરીમાં પેટ્રોલ અને ડીઝલની કિંમતો વધારવી પડે છે. 

પેટ્રોલ અને ડીઝલના ભાવમાં થઈ રહ્યો છે વધારો

આ તમામની વચ્ચે દેશના તમામ ભાગોમાં પેટ્રોલ 100 રૂપિયે લીટરે વેચાઈ રહ્યું છે. અનુમાન લગાવામાં આવી રહ્યું છે કે, આવનારા દિવસોમાં વધારો ચાલુ રહેશે. ત્યારે આવા સમયે સામાન્ય જનતા પર મોંઘવારીનો મોટો બોઝ આવશે. પણ સરકાર ઈચ્છે તો, ટેક્સમાં કાપ મુકીને રાહત આપી શકે છે. 

લગભગ 50 ટકા લાગે છે ટેક્સ

ત્યારે આ તમામની વચ્ચે એક આંકડો સામે આવ્યો છે, જે બતાવે છે કે પેટ્રોલ અને ડીઝલના ભાવમાં લગભગ 50 ટકા ટેક્સ હોય છે. ઘણા રાજ્યોમાં તો આ આંકડો 50 ટકાને પાર પહોંચી ગયો છે. જો કે, એક સામાન્ય માણસને સમજવા માગશે કે, તેના 100 રૂપિયાના પેટ્રોલ ભરવા પર કેટલો ટેક્સ લાગે છે. અહીં આપેલા ચાર્ટમાં આપ જોઈ શકશો. ફક્ત તેમાંથી પોતાનું રાજ્યનું નામ જોવો અને તેની આગળ લખેલા રૂપિયાની રકમ જોવો જે ટેક્સ લાગેલો છે. 

સરળ ભાષામાં સમજો આ ગણિત

ઉદાહરણ તરીકે જોઈએ તો, 22 માર્ચ 2022 દિલ્હીમાં 100 રૂપિયે પેટ્રોલ ભરવા પર ગ્રાહકોને 45.30 રૂપિયા ટેક્સ આપવો પડે છે. જેમાં 29 રૂપિયા કેન્દ્ર સરકારના ખાતામાં થાય છે અને 16.30 રૂપિયા રાજ્ય સરકારને ટેક્સ તરીકે મળે છે. દેશમાં સૌથી વધારે ટેક્સ મહારાષ્ટ્રમાં વસૂલવામાં આવે છે. અહીં 100 રૂપિયા પેટ્રોલ પર સાડા 52 રૂપિયા ટેક્સ આપવો પડે છે. તો વળી સૌથી ઓછો ટેક્સ લક્ષદ્વિપમાં 100 રૂપિયાના પેટ્રોલ પર ફક્ત 34.60 રૂપિયા ટેક્સ આપવો પડે છે. આપને જણાવી દઈએ કે, એક્સાઈઝ ડ્યૂટી કેન્દ્ર સરકાર વસૂલે છે અને વૈટના પૈસા રાજ્યોના ખાતામાં જાય છે.