ધનવૈભવ / યોગી આદિત્યનાથ પાસે કેટલી છે મિલકત? આંકડાઓ પર નજર કરી દંગ રહી જશો, CM બન્યા પછી આવક ઘટી

• યોગી આદિત્યનાથનો આજે 51મો જન્મદિવસ
• મુખ્યમંત્રી બન્યા બાદ તેમની લોકપ્રિયતા આકાશને આંબી
• યોગીજીની  કુલ સંપત્તિ 1.54 કરોડ સુધી પહોંચી

સૌથી લોકપ્રિય મુખ્યમંત્રીઓની યાદીમાં અગ્રિમ હરોળમાં આવતા ઉત્તર પ્રદેશના મુખ્યમંત્રી યોગી આદિત્યનાથનો આજે 51મો જન્મદિવસ છે. તેમનો જન્મ 5 જૂન 1972 ના રોજ ઉત્તરાખંડ આ ગઢવાલના પંચુર ગામમાં થયો હતો. યોગી આદિત્યનાથ દેશના સૌથી મોટા રાજ્ય ઉત્તર પ્રદેશના મુખ્યમંત્રી હોવા ઉપરાંત ગોરખપુર મઢના મહંતની પણ ભૂમિકા યશસ્વી નિભાવે છે. ત્યારે યોગી આદિત્યનાથના ચાહકો દેશના ખૂણે ખૂણે જોવા મળી રહ્યા છે. તેમાં પણ મુખ્યમંત્રી બન્યા બાદ તેમની લોકપ્રિયતા આકાશને આંબી રહી છે.  આવી સ્થિતિ વચ્ચે યોગી આદિત્યનાજી પાસે કેટલી મિલકત છે ? તેના પર નજર કરીએ!

1.13 કરોડ બેંક બેલેન્સ
ઉત્તર પ્રદેશની ગોરખપુર વિધાનસભા સીટમાં 2022 ની ચૂંટણી દરમિયાન પોતાની ઉમેદવારી નોંધાવતી વખતે યોગી આદિત્યનાથે નોમિનેશન ફાઈલના એફિડેવિટમાં તેની સંપત્તિ અંગે વિગતો આપી હતી. જેમાં જણાવ્યા અનુસાર તેમની પાસે કુલ એક લાખ રૂપિયા રોકડા છે. ઉપરાંત 1.13 કરોડ બેંક બેલેન્સ છે. વધુમાં તેમની પાસે એનેસેસ અને પોસ્ટ ઓફિસની બચતમાં 37.54 લાખ રૂપિયા હોવાનું કહ્યું હતું.  તેને પોતાના સોગંદનામાં કોઈપણ વાહનનો ઉલ્લેખ કર્યો હતો અને તેમની પાસે 69 હજાર રૂપિયાના દાગીના ઉપરાંત 1.8 લાખ રૂપિયાના હથિયાર અને 12,000 ની કિંમત નો મોબાઇલ ફોન સહિત વર્ષ 2022 માં તેમની કુલ સંપત્તિ 1.54 કરોડ હતી. 

આવકમાં નોંધાયો ઘટાડો
યોગી આદિત્યનાથ આવકના મુખ્ય સ્ત્રોત તરીકે ભૂતપૂર્વ સાંસદ પેન્શન અને ધારાસભ્ય તરીકે મળેલા ભથ્થાને ગણાવ્યો હતો. તેમણે 1922 માં ગઢવાલ યુનિવર્સિટીમાંથી બીએસસીની ડીગ્રી પણ મેળવી હતી. ખાસ વાત એ છે કે ઉત્તર પ્રદેશના મુખ્યમંત્રી બન્યા બાદ યોગી આદિત્યનાથની કમાણીમાં ઘટાડો નોંધાયો હતો. પ્રથમ ત્રણ વર્ષ કમાણીમાં વધારો નોંધાયા બાદ ઘટાડો શરૂ થયો છે અને 2016-17 માં મુખ્યમંત્રી યોગી આદિત્યનાથની કુલ આવક 8.40 લાખ રૂપિયા હતી. જે 2017- 18 માં 14.38 લાખ રૂપિયા થઈ અને 2018 19 માં આ કમાણી વધીને 18.27 લાખને આંબી ગઈ હતી. જો કે સમય જતા 2019 20 માં મુખ્યમંત્રીની કમાણીમાં ઘટાડો નોંધાયો હતો અને આવક 15.68 લાખ રૂપિયા થઇ હતી. તો 2020-21 માં તો આ કમાણીમાં વધુ ઘટાડો આવ્યો અને 13.20 લાખ પર અટકી હતી.