માઈલેજ / ગાડીમાં એસી ચાલુ કરવાથી એવરેજ ઉપર કેટલી અસર પડે છે? જાણો આ રીતે

શું એસી ચલાવવાથી માઇલેજ પર કોઈ ફરક પડે છે?

ઓટો નિષ્ણાતના જણાવ્યા મુજબ કારમાં વધુ એસી ચલાવવાની અસર માઇલેજ પર માત્ર 5 થી 7 ટકા જેટલી હોય છે. તેથી જ્યારે પણ જરૂર પડે ત્યારે કારમાં એસી વાપરવામાં કંઈ ખોટું નથી. પરંતુ એ ધ્યાનમાં રાખવું પણ મહત્વનું છે કે વારંવાર AC ચાલુ બંધ ન કરો. આમ કરવાથી એસી ખરાબ થઈ શકે છે અને તમારો ખર્ચ વધારી શકે છે. જો તમે તમારી કારના એસી કરતા વધુ સારી ઠંડક ઇચ્છતા હોવ તો અહીં અમે તમને કેટલીક એવી ટિપ્સ જણાવી રહ્યા છીએ જે તમારા માટે ફાયદાકારક સાબિત થઈ શકે છે.

શરૂઆતમાં એસી ધીમું રાખો

જો તમારી પાસે ઓટોમેટિક એસી અથવા ક્લાઇમેટ કંટ્રોલવાળી કાર છે તો કાર શરુ થાય ત્યારે એસી ધીમું રાખો અને જ્યારે તમારી કાર થોડી સ્પીડ પકડે, તો ત્યારે એસી વધારો. આ કરવાથી કાર સંપૂર્ણ ઠંડી થઈ જશે અને એસી ઉપર તેની વધારે અસર પડશે નહીં.

વિંડો ખુલ્લી રાખો

જો તમે તડકામાં કારમાં મુસાફરી કરી રહ્યા છો ત્યારે કારનું એસી વધારે ઝડપે ચલાવો. આ સાથે ગાડીની વિંડોઝને થોડા સમય માટે ખુલ્લી રાખો

એસી ગરમ હવાને બહાર કાઢશે 

કારમાં હવા ન હોવાને કારણે કારની કેબિન ગરમ થવા લાગે છે. ગરમ હવા બહાર કાઢવા માટે કારની વિંડોને ખોલો. એસી કારમાં રહેલી ગરમ ​​હવાને બહાર કાઢશે અને ગાડી ઠંડી થશે.

રિસર્ક્યુલેશન મોડને બંધ કરો

કાર શરૂ થતાંની સાથે જ રિસર્ક્યુલેશન મોડને બંધ કરો, જેથી ગરમ હવા વેન્ટિલેશનમાંથી નીકળી જશે. બાદમાં જ્યારે હવા ઠંડી હોય ત્યારે રિસર્ક્યુલેશન મોડ ચાલુ કરો, જેના કારણે કેબિનની ઠંડી હવા જ સતત ફરતી રહેશે.

રેગ્યુલર મેન્ટેનન્સ કરો

નિયમિત રૂપે કાર અને એસીનું મેન્ટેનન્સ રાખો. જો એસીમાં કોઈ સમસ્યા છે, તો તરત જ કોમ્પ્રેસરને તપાસો.