Friday, July 19, 2019
સબસ્ક્રાઈબ કરો VTVGujarati ન્યુઝ Whatsapp

સ્વાસ્થ્ય / તમે રોજ કેટલી અને કઇ બદામ ખાવ છો

તમે રોજ કેટલી અને કઇ બદામ ખાવ છો

બદામનું નામ હંમેશા યાદશક્તિ સાથે જોડાય છે. બદામ મગજની તંદુરસ્તી વધારે છે. અનેક પ્રકારના વિટામીન્સ અને ખનીજથી ભરપુર એવી બદામ બ્રેઇન પાવરને નિયંત્રણમાં રાખે છે. એ સિવાય બદામમાં એવા કેટલાક એન્ટીઓક્સિડન્ટ પણ છે જે ઉંમરની સાથે યાદશક્તિમાં થતા ઘટાડાને નિયંત્રિત કરે છે. તો શું છે આ બદામમાં તે જાણીએ.

બદામમાં બ્રેઇન ટોનિક તરીકે જાણીતા વિટામીન ઇનું પ્રમાણ પુષ્કળ છે. જે મગજ માટે ખુબ જ જરુરી છે. બદામ ખાવાથી મગજને ખુબ જ ફાયદો થાય છે. તેની સાથે બૌધ્ધિક ક્ષમતા પણ વધે છે. વિટામીન ઇ મગજના એવા કોષોને વૃધ્ધ થતા અટકાવે છે જે ઉંમર સાથે યાદશક્તિ ઘટાડે છે. જોકે વધુ પડતી બદામ ખાવામાં આવે તો તે શરીરને નુકશાન પણ કરે છે. કેમકે વધુ પડતુ વિટામીન ઇ નુકશાનકારક છે.

બદામમાં ઝિંક સારા એવા પ્રમાણમાં હોય છે. જે રોગપ્રતિકારક શક્તિને વધારે છે અને મગજના કોષોને નુકશાન પહોંચાડતા બેક્ટેરિયલ તેમજ વાઇરલ ઇન્ફેક્શન સામે રક્ષણ આપે છે. બદામ વિટામીન બી સિક્સનો પણ સારો સ્ત્રોત છે જે શરીરમાં પ્રોટીનને પચાવવામાં મદદ કરે છે. જેના લીધે મગજના કોષોમાં પ્રોટીનમાં વધારો થાય છે અને મેમરી માટે જરુરી એવા રસાયણના ઉત્પાદનને એ ઉત્તેજન આપે છે. બદામના નિયમિત સેવનથી અલ્ઝાઇમર્સ અને ડિમેન્શિયા જેવા રોગનું જોખમ ઘટી જાય છે. કોઇ પણ વ્યક્તિ રોજ ચારથી પાંચ બદામ ખાઇ શકે છે. 

બજારમાં 85 ટકા અમેરિકન કે કેલિફોર્નિયા આલમંડ મળે છે. પ્રોડક્શન મોટા પ્રમાણમાં હોવાના લીધે તેની કિંમત થોડી ઓછી હોય છે. આપણા ત્યાં બજારમાં મોટેભાગે આ બદામ મળે છે. આ બદામ પર પ્રોસેસિંગ થયેલું હોય છે તેથી તેનામાં હીટ વધી જાય છે અને કુદરતી તેલ ઘટી જાય છે. મામરો બદામ આખા વિશ્વમાં ફક્ત અફઘાનિસ્તાનમાં જ થાય છે. મામરો બદામની ખાસિયત એ છે કે કે ખેતરમાંથી ડાયરેક્ટ કોઇ જ પ્રકારની પ્રોસેસ વિના પહોંચે છે. મગજ માટે બદામ ખાવાની ઇચ્છા હોય તો મામરો બદામ બેસ્ટ છે. તેમાં કેલરી, શુગર અને કાર્બોહાઇડ્રેડનું પ્રમાણ અમેરિકન બદામ કરતા વધુ હોય છે.

જોવા જેવું વધુ જુઓ

બ્રેકિંગ ન્યૂઝ