મહામારી / વૅક્સિન લીધા બાદ કેટલા લોકોને થયો કોરોના? કેન્દ્ર સરકારે જાહેર કરી માહિતી

• વેક્સિનનો પહેલો ડોઝ લીધા બાદ 4208 લોકોને કોરોના થયો
• બીજો ડોઝ લીધા બાદ 695 લોકો સંક્રમિત થયા
• દેશના 274 જિલ્લામાં સંક્રમણ દર પાંચથી પંદર ટકાની વચ્ચે
• પહેલી લહેરમાં કોરોનાના 8.07 ટકા કેસો

આરોગ્ય મંત્રાલયના આંકડા અનુસાર, બીજો ડોઝ લીધા બાદ 695 લોકો સંક્રમિત થયા છે. કોવિશીલ્ડનો પહેલો ડોઝ લીધા પછી 17145 લોકો એટલે કે 0.02 ટકા લોકો સંક્રમિત થયા છે. કોવિડશીલ્ડનો પહેલો ડોઝ લીધા બાદ 5014 લોકો એટલે કે 0.03 ટકા લોકો સંક્રમિત થયા છે. 

દેશના 146 જિલ્લામાં કોવિડ-19 સંક્રમણ દર 15 ટકાથી વધારે 
આરોગ્ય મંત્રાલયના આંકડા અનુસાર, દેશના 274 જિલ્લામાં સંક્રમણ દર પાંચથી પંદર ટકાની વચ્ચે છે. મહામારીની પહેલી લહેરમાં 10 થી 20 વર્ષની વયના લોકોમાં કોવિડ-19 ના 8.07 ટકા કેસો સામે આવ્યાં હતા. તો બીજી લહેરમાં 8.50 ટકા કેસ નોંધાયા હતા. 

આજના કોરોનાના આંકડા 

ભારતમાં એક જ દિવસમાં રેકોર્ડબ્રેક 2 લાખ 95 હજાર 41 નવા કેસ સામે આવ્યા છે જ્યારે 2023 દર્દીઓએ પોતાના જીવ ગુમાવ્યા છે. આ સાથે જ ભારતમાં એક દિવસમાં 1,67,457 લોકોએ કોરોના વાયરસને હરાવ્યો પણ છે અને સાજા થયા છે. ભારતમાં અત્યાર સુધીમાં 13 કરોડથી વધારે લોકોને કોરોના વાયરસની રસી આપી દેવામાં આવી છે. 

ભારતમાં કોરોના વાયરસની બીજી લહેર સુનામી બનીને આવી

ભારતમાં કોરોના વાયરસની બીજી લહેર સુનામી બનીને આવી છે તથા 146 જિલ્લાઓમાં એક સાથે કેસ વધતાં ચિંતામાં વધારો થયો છે. ભારતમાં કોરોના વાયરસના કેસની સંખ્યામાં રેકોર્ડબ્રેક ઉછાળો જોવા મળી રહ્યો છે અને જુદા જુદા શહેરોથી ભયાવહ દ્રશ્યો સામે આવી રહ્યા છે. હોસ્પિટલોમાં સુવિધાના અભાવે લોકો મરી રહ્યા છે અને પરિસ્થિતિ એટલી ગંભીર છે કે અત્યારે સ્મશાનોમાં પણ લાંબુ વેઇટિંગ છે ત્યારે સ્વાસ્થ્ય મંત્રાલય દ્વારા મહત્વપૂર્ણ જાણકારી આપવામાં આવી છે.

ભારતમાં તેજીથી થઈ રહ્યું છે રસીકરણ 

ભારતમાં કોરોના વાયરસની પહેલી લહેર અને બીજી લહેર વચ્ચે તફાવત છે કે બીજી લહેરમાં ભારત પાસે વેક્સિનરૂપી હથિયાર છે. એવામાં ભારતની સરકાર દ્વારા વધુમાં વધુ લોકોને વેક્સિન આપી દેવામાં આવે તે માટે પ્રયાસ કરવામાં આવી રહ્યા છે. દેશમાં ત્યાર સુધીમાં 13 લોકોને કોરોના વાયરસની રસી આપી દેવામાં આવી છે જેમાં 30 લાખ લોકોને તો છેલ્લા 24 કલાકમાં જ રસી આપવામાં આવી છે. દેશના 87 ટકા મેડિકલ સ્ટાફને રસી આપી દેવામાં આવી છે.