જવાબ / જો બાયડને કહ્યું, જ્યારે અફઘાન સૈનિક જ નથી લડતા તો આપણે કેમ આપણા દીકરા- દીકરીને લડવા મોકલીયે?

•  અફઘાનિ દળ પોતાના માટે લડવા તૈયાર નથી તો હું અમેરિકન સેનાને કેમ મરવા છોડુ- બાયડન
• હું કેટલી પેઢી સુધી અમેરિકન દીકરા - દીકરીઓને મોકલુ?
• અફઘાન સેના લડવાના પ્રયત્ન વગર હારી ગઈ- બાયડન

 અફઘાનિ દળ પોતાના માટે લડવા તૈયાર નથી તો હું અમેરિકન સેનાને કેમ મરવા છોડુ- બાયડન

અફઘાનિસ્તાનમાંથી સેના વાપસીને લઈને જો બાયડન પર પ્રહાર થઈ રહ્યા છે. ત્યારે જો બાઈડને કહ્યું કે જો અફઘાનિ સૈનિકો નથી લડતા તો હું કેટલી પેઢી સુધી અમેરિકન દીકરા - દીકરીઓને મોકલુ? તેમણે કહ્યું તે મારો જવાબ સ્પષ્ટ છે. હું તે ભૂલ ફરી નહીં કરું જે અમે પહેલા કરી છે.  હકિકતમાં અમેરિકન રાષ્ટ્રપતિ જો બાયડને અફઘાનિસ્તાનમાં અમેરિકન સેનાને પાછી બોલાવવાના નિર્ણયનો બચાવ કરતા અફઘાનિસ્તાનના નેતૃત્વને કોઈ સંઘર્ષ વગર તાલિબાનને સત્તા સોંપવા માટે જવાબદાર ગણાવ્યા અને સાથે તાલિબાનને ચેતવણી આપી કે તેમણે અમેરિકન કર્મીઓ પર હુમલો કર્યો અથવા દેશમાં તેમના કોઈ અભિયાનમાં અડચણ નાંખી તો અમેરિકા જવાબી  કાર્યવાહી કરશે. બાયડને  કહ્યું કે અમેરિકન સૈનિકો એવા યુદ્ધમાં ન મરી શકે જ્યાં અફઘાની દળ પોતાના માટે લડવા તૈયાર ન હોય.

How many more generations of America’s daughters and sons would you have me send to fight Afghanistan’s civil war when Afghan troops will not?..... I'm clear on my answer. I will not repeat the mistakes we have made in the past: US President Joe Biden

(File pic) pic.twitter.com/xmXwzI1CHb

— ANI (@ANI) August 17, 2021

અફઘાન સેના લડવાના પ્રયત્ન વગર હારી ગઈ

તેમણે દેશને સંબોધિત કરતા કહ્યું કે હું પોતાના નિર્ણયમાં સંપૂર્ણ રીતે મક્કમ છું. હું 20 વર્ષ બાદ એ શીખ્યો કે અમેરિકન સેના પાછી બોલાવવાનો ક્યારેય યોગ્ય સમય ન આવ્યો. એટલા માટે આપણે હજું સુધી ત્યાં હતા. આપણે જોખમોને લઈને સ્પષ્ટ હતા. અમે દરેક આકસ્મિક સ્થિતિની યોજના બનાવી. તેમણે કહ્યું કે હકિકત એ છે કે આ બધું અમારા અંદાજથી ઘણું જલ્દી થઈ ગયું. તો શું થયું અફઘાની નેતાઓએ હાર માની લીધી અને દેશ છોડી ભાગી ગયા. અફઘાન સેના લડવાના પ્રયત્ન વગર હારી ગઈ. ગત અઠવાડિયાનો ઘટનાક્રમ એ સાબિત કરે છે કે અફઘાનિસ્તાનમાંથી અમેરિકન સેનાની ભાગીદારી ખતમ કરવી યોગ્ય નિર્ણય છે. તેમણે કહ્યું કે જરુર પડી તો વિદ્વંસકારી દળની સાથે પોતાન લોકોની રક્ષા કરીશું. 

આ સામ્રાજ્યનું કબ્રસ્તાન છે- બાયડન

તેમણે કહ્યું કે કોઈ સેના સ્થિર, એકજૂથ અને સુરક્ષિત અફઘાનિસ્તાન ન બનાવી શકે. જેવો ઈતિહાસ રહ્યો છે આ સામ્રાજ્યનું કબ્રસ્તાન છે.  આપણે 1 હજાર અરબ ડોલરથી વધારે ખર્ચ કર્યો છે. 3,00,000 અફઘાનિ સૈનિકોને તાલીમ આપી છે. હથિયાર આપ્યા.  તેમની સેના અનેક નાટો સહયોગિયી સેનાઓ કરતા મોટી છે. અમે તેમને વેતન આપ્યુ. વાયુ સેનાની દેખરેખ કરી. જે તાલિબાન પાસે નથી. તાલિબાન પાસે વાયુસેના નથી.  આપણે તેમને ભવિષ્ય નક્કી કરવાની તક આપી.  આપણે તેમને ભવિષ્ય માટે લડવાની ઈચ્છાશક્તિ ન આપી શકીયે. જ્યારે અફઘાનિસ્તાનની સશસ્ત્ર સેના લડવા નથી માંગતી તો અમેરિકન સેનાને મોકલવું ખોટું છે. ત્યાના નેતા લોકો માટે આગળ  ન આવ્યા.  તેમણે કહ્યું કે હું માનું છું કે આપણામાંથી મોટા ભાગના લોકો માટે આ દુઃખદ છે. અફઘાનિસ્તાનથી જે દ્રશ્ય આવી રહ્યા છે તે અત્યંત હેરાન કરનારા છે.