બીજા તબક્કામાં 12 રાજ્યની 95 બેઠક પર મતદાન કરવામાં આવી રહ્યું છે. આ તબક્કામાં 1629 ઉમેદવાર મેદાનમાં છે. ભાજપ, કોંગ્રેસ, જેડીયુ, સપા-બસપા, ડીએમકે, એઆઇડીએમકે, ટીએમસી સહિત ઘણા પક્ષોના ઉમેદવારોના ભાવિ ઇવીએમમાં સીલ થઇ જશે. બીજા તબક્કાની 95 બેઠકોમાં ભાજપ 51 અને કોંગ્રેસ 46 બેઠક પર ચૂંટણી લડી રહ્યાં છે.
લોકસભા ચૂંટણી 2019ના બીજા તબક્કામાં 12 રાજ્યની 95 બેઠક પર મતદાન કરવામાં આવી રહ્યું છે. આ તબક્કામાં 1629 ઉમેદવાર મેદાનમાં છે. ભાજપ, કોંગ્રેસ, જેડીયુ, સપા-બસપા, ડીએમકે, એઆઇડીએમકે, ટીએમસી સહિત ઘણા પક્ષોના ઉમેદવારોના ભાવિ ઇવીએમમાં સીલ થઇ જશે. બીજા તબક્કાની 95 બેઠકોમાં ભાજપ 51 અને કોંગ્રેસ 46 બેઠક પર ચૂંટણી લડી રહ્યાં છે.
નરેન્દ્ર મોદીના નેતૃત્વમાં ભાજપ સત્તા ટકાવી રાખવા પ્રયત્ન કરી રહ્યું છે. જ્યારે રાહુલ ગાંધીની આગેવાની હેઠળ ચૂંટણી મેદાનમાં ઉતરેલ કોંગ્રેસ પોતાનો જનાધાર પરત મેળવવા પ્રયત્ન કરી રહ્યો છે. લોકસભા ચૂંટણીના બીજા તબક્કાની 95 બેઠક પર ચૂંટણી યોજાઇ રહી છે. 2014ની લોકસભામાં આ બેઠક પર 27માં ભાજપનો વિજય થયો હતો.
યુપીની જે આઠ બેઠક પર મતદાન યોજાઇ રહ્યું છે, આ તમામ બેઠક પર ભાજપની જીત થઇ હતી. છત્તીસગઢની 3, મહારાષ્ટ્રની 10માંથી 4, અસમની 5માંથી 2, કર્ણાટકની 14માંથી 6, ઓડિશાની 5માંથી 1, બંગાળની 3માંથી 1, તમિલનાડુ અને જમ્મૂ-કાશ્મીરમાં એક-એક બેઠક પર ભાજપની જીત થઇ હતી. આ સિવાય ભાજપના સહયોગી દળ શિવસેનાએ મહારાષ્ટ્રમાં ચાર બેઠક જીતી હતી. જ્યારે બિહારમાં યોજાઇ રહેલી 5 બેઠક પર ભાજપ મેદાનમાં નથી, તેના સહયોગી દળ જેડી(યુ)ના ઉમેદવાર મેદાનમાં છે.
જ્યારે કોંગ્રેસની વાત કરીએ તો 95 લોકસભા બેઠક પરની ચૂંટણીમાં માત્ર 12 બેઠક છે. 2014માં કોંગ્રેસે જે 12 બેઠક પર જીત મેળવી હતી તેમાં અસમની 2, કર્ણાટકની 6, મહારાષ્ટ્રની 2, બિહારની 1 અને મણિપુરની 1 બેઠકનો સમાવેશ થાય છે. આમ કોંગ્રેસને આશા છે કે ગત લોકસભા ચૂંટણીની આ 95 બેઠકમાં વધારે બેઠક પર જીત મળશે. 2019 લોકસભા ચૂંટણીની રાજકીય સમીકરણ બદલાતાં ભાજપની નજર તમિલનાડૂ, પશ્ચિમ બંગાળ અને ઓડિશા જેવા રાજ્ય પર છે.