કામની ટિપ્સ / વજન કંટ્રોલમાં રાખવું હોય અથવા ઘટાડવું હોય તો એક દિવસમાં કેટલી રોટલી ખાવી જોઈએ? જાણી લો

• ડાયટિંગ કરતાં લોકો માટે કામના સમાચાર
• વજન કંટ્રોલમાં રાખવું હોય તો રોટલી ખાવામાં રાખો ધ્યાન
• કાર્બોહાઈડ્રેટ્સ ઘટાડવા માટે રોટલી ઓછી ખાઓ

રોટલીમાં કાર્બોહાઈડ્રેટ્સ હોવાને કારણે લોકોને લાગે છે કે રોટલી ખાવાથી તેમનું વજન વધશે અને એટલે જ કાર્બોહાઈડ્રેટ્સ ઘટાડવા માટે રોટલી ઓછી ખાય છે. જો તમે પણ આવું માનતા હો તો જાણી લો કે ડાયટિંગ કરતાં લોકો એક દિવસમાં 5 રોટલી ખાઈ શકે છે.

કેટલું કાર્બોહાઈડ્રેટ્સ લઈ શકાય

જો તમે વેટ લોક ડાયટ ફોલો કરી રહ્યાં હો તો તમારે આ જાણવું જરૂરી છે કે એક દિવસમાં કેટલાં કાર્બોહાઈડ્રેટ્સ લેવા. જો તમે એક દિવસમાં 250 ગ્રામ કાર્બોહાઈડ્રેટ્સ લેવા માગો છો અને તેમાંથી 75 ગ્રામ કાર્બોહાઈડ્રેટ્સ રોટલીમાંથી લેવા માગો છો તો તે પ્રમાણે તમે એક દિવસમાં 5 રોટલી ખાઈ શકો છો. પણ આ વાતનું ધ્યાન રાખવું કે અન્ય કેટલીક વસ્તુઓ પણ હોય છે જેના દ્વારા શરીરમાં કાર્બ્સ પહોંચે છે, જેમ કે ખાંડ, દૂધ, રાઈસ અને સોડા.

રોટલીમાં અન્ય પોષક તત્વો પણ હોય છે

રોટલીમાં માત્ર કાર્બોહાઈડ્રેટ્સ જ હોય છે એવું નથી, આ સિવાય તેમાં પ્રોટીન અને ફાયબર પણ હોય છે અને જો તમે વજન ઘટાડવા માગતા હો તો આ બંને પોષક તત્વો ખૂબ જ જરૂરી છે. જો આપણે 6 ઈંચની એક રોટલીની વાત કરીએ તો તેમાં 15 ગ્રામ કાર્બોહાઈડ્રેટ્સ, 3 ગ્રામ પ્રોટીન અને 0.4 ગ્રામ ફાયબર હોય છે. 

રાતે નહીં દિવસે ખાઓ રોટલી 

વજન ઘટાડવા માટેનો સૌથી સામાન્ય નિયમ આ જ છે અને એક્સપર્ટ પણ માને છે કે જ્યાં સુધી શક્ય હોય ત્યાં સુધી કાર્બોહાઈડ્રેટ્સ દિવસે જ લેવા. તમે લંચમાં અથવા સાંજે 4 વાગ્યા સુધી રોટલી ખાઈ શકે છે. પણ સાંજે અથવા રાતે કાર્બોહાઈડ્રેટ્સવાળા ફૂડ ન ખાવા જોઈએ.

બધાં માટે એક સરખો નિયમ નથી

આમ તો બધાં માટે એક સરખો નિયમ ન હોઈ શકે. તમારે એક દિવસમાં કેટલી રોટલી ખાવી તે એ વાત પર નિર્ભર કરે છે કે તમારા શરીરમાં કેટલા કાર્બોહાઈડ્રેટ્સની જરૂર છે અને તમારો વજન ઘટાડવાનો ઉદ્દેશ શું છે. જો તમે કાર્બ્સના ઈનટેકને ઘટાડવા માગતા હો તો રોટલી ઓછી ખાવી અને સાંજે 4 વાગ્યા પહેલાં ખાઈ લેવી.