દુનિયાના કેટલાક દેશોમાં કોરોનાથી લડવા માટે ફુલ લૉકડાઉન લાગૂ છે તો કેટલાક દેશ એવા પણ છે જ્યાં અન્ય ઉપાયો દ્વારા કોરોના વાયરસથી લડી રહ્યા છે અને તેમનો આ ફૉર્મ્યૂલા હિટ પણ રહ્યો છે. દક્ષિણ કોરિયા બાદ હવે હોંગકોંગ ચર્ચામાં છે જ્યાં લૉકડાઉન વગર કોવિડ-19 મહામારીના ફેલાવા પર સફળતાપૂર્વક રોક લગાવી દેવામાં આવી છે. 31 માર્ચે અહીં 715 કેસ દાખલ કરવામાં આવ્યા હતા અને હવે એપ્રિલના મધ્યમાં કુલ કેસ 1024 છે જેમાંથી 568 લોકો સાજા થિ ચૂક્યા છે. આંકડાઓને જોઈને ખબર પડે છે કે હોંગકોંગે કોરોનાને કઇ રીતે માત આપી છે.
સોશિયલ ડિસ્ટેન્સિંગ, લક્ષિત આઇસોલેશન
પબ્લિક હેલ્થના ઉપાય પર વધારે ભાર
જનતાનની જાગરુકતાએ મહત્વનો ભાગ ભજવ્યો
ડેલી મેલ રિપોર્ટ અનુસાર, હોંગકોંગ ટાર્ગેટ આઇસોલેશન અને સોશિયલ ડિસ્ટેન્સિંગ દ્વારા કોરોનાથી લડી રહ્યું છે. હોંગકોંગે બોર્ડર પર પ્રતિબંધ લગાવી દીધો હતો અને દાખલ થયેલા કેસમાં જ ક્વોરેન્ટાઇનની વ્યવસ્થા કરવામાં આવી અને સાથે જ સંક્રમિત વ્યક્તિઓના સંપર્કમાં આવેલા લોકોને ક્વોરેન્ટાઇન કર્યા. આની સાથે જ સોશિયલ ડિસ્ટેન્સિંગના ઉપાય અપનાવવામાં આવ્યા. વિશેષજ્ઞોનું માનવું છે કરે આ ઉપાય જ્યાં સફળ રહ્યો ત્યાં અર્થતંત્રને એવું નુકસાન નથી ભોગવવું પડ્યું જેવું બીજા દેશમાં થયું છે.
ચીનમાં ડિસેમ્બર 2019માં કોરોનાના કેસ સામે આવ્યા બાદ ત્યાંની શી જિનપિંગ સરકારે અલગ અલગ વિસ્તારોમાં લૉકડાઉન જાહેર કરી દીધું. ભારત, પાકિસ્તાન જેવા એશિયાઈ દેશો સિવાય અમેરિકા અને કેટલાક યુરોપીય દેશોમાં લૉકડાઉન જાહેર છે જેનાથી અર્થતંત્ર પર અસર પડી રહી છે.
પબ્લિક હેલ્થના ઉપાય પર વધારે ભાર
75 લાખ વસ્તીવાળા આ દેશમાં પબ્લિક હેલ્થના ઉપાયો પર ધ્યાન આપવામાં આવ્યું. વિશેષજ્ઞોનું માનવું છે કે આની અસર જોવા મળી અને કોરોનાના કેસ વધવાની જગ્યાએ ઘટવા લાગ્યા. હોંગકોંગ યુનિવર્સિટીના પ્રોફેસર બેન્જામિન કૉઉલિંગ કહે છે, પબ્લિક હેલ્થ ઉપાયોને અપનાવવાના કારણે હોંગકોંગે આ બતાવ્યું કે કેવી રીતે કોવિડ 19ના સંક્રમણને રોકી શકાય છે અને તે પણ કમ્પ્લીટ લૉકડાઉન વગર. હોંગકોંગની સફળતાથી દુનિયાની બીજી સરકારોને શિખવાની જરૂર છે. પોતાના અધ્યયનમાં પ્રોફેસર કોઉલિંગ અને તેમના સહયોગિઓએ હોંગકોંગમાં જાન્યુઆરીથી 31 માર્ચ વચ્ચે કોરોનાના પોઝિટિવ કેસ સંબંધિત ડેટાનું અધ્યયન કર્યું.
જનતાનની જાગરુકતાએ મહત્વનો ભાગ ભજવ્યો
યુનિવર્સિટી ઓફ હોંગકોંગના પ્રોફેસર પેંગ વુ કહે છે કે દેશની જનતાને ખબર છે કે પર્સનલ હાઈઝીન પર ધ્યાન આપવાનું છે અને ફિઝીકલ ડિસ્ટેન્સિંગ રાખવાનું છે. અધ્યયન કરનારાઓની ટીમને જાણ થઇ કે, વાયરસનો પહેલો કેસ આવ્યા બાદ અત્યાર સુધીમાં કોવિડ 19થી લડવા માટે હોંગકોંગના લોકોના વિચારમાં ઘણુ પરિવર્તન આવ્યું છે. માર્ચમાં 85 ટકા લોકોએ ક્રાઉડમાં જવાનું છોડી દીધી હતું તો 99 ટકા લોકોએ કહ્યું કે ઘરથી નિકળતા સમયે માસ્ક લગાવીએ છીએ, ત્યારે આ આંકડા ફેબ્રુઆરીમાં ક્રમશઃ 75 અને 61 ટકા હતા.