ધાર્મિક / આકાશમાંથી કેવો દેખાય છે રામ સેતુ? સ્પેસ એજન્સીએ શેર કરી લેટેસ્ટ તસવીર, નજર નહીં હટે

હિન્દુ ધર્મમાં રામ સેતુનું ઘણું મહત્વ છે. કન્યાકુમારી અને શ્રીલંકા વચ્ચેના આ 'બ્રિજ'ને એડમ્સ બ્રિજ તરીકે પણ ઓળખવામાં આવે છે. તેને રાષ્ટ્રીય ધરોહર બનાવવાની લાંબા સમયથી માંગણી કરવામાં આવી રહી છે. યુરોપિયન સ્પેસ એજન્સીએ સેટેલાઇટથી લેવામાં આવેલી રામ સેતુની ખૂબ જ સુંદર તસવીર શેર કરી છે. આ તસવીર કોપરનિકસ સેન્ટીનેલ-2 સેટેલાઇટમાંથી લેવામાં આવી છે.

શું છે રામ સેતુ

રામ સેતુ રામેશ્વરમથી શ્રીલંકાના મન્નાર દ્વીપ સુધી 48 કિલોમીટર લાંબો છે. આ રામ સેતુ હિંદ મહાસાગરના મન્નરના અખાતને બંગાળની ખાડીની પાલ્ક સ્ટ્રેટથી અલગ કરે છે. રામાયણ મહાકાવ્ય અનુસાર, જ્યારે શ્રી રામે લંકા પર હુમલો કર્યો ત્યારે તેમની વાનર સેનાએ રામેશ્વરમથી લંકા સુધી સમુદ્ર પર પુલ બનાવ્યો હતો. વાલ્મીકિ રામાયણમાં કહેવાયું છે કે ઘણા દિવસોની શોધખોળ પછી રામસેનાએ શોધી કાઢ્યું હતું કે પુલ ક્યાં બનાવવો જોઈએ જેથી લંકા પહોંચવા માટે સૌથી ઓછું અંતર કાપવું પડે.

પુલ હોવાનો અમેરિકાના પુરાતત્વવિદોનો પણ દાવો

ખ્રિસ્તીઓ માને છે કે આદમે આ પુલ બનાવ્યો હતો અને તેથી તેને આદમનો પુલ કહેવામાં આવે છે. નાસાએ તેની તસવીર જાહેર કર્યા બાદ વૈજ્ઞાનિકોએ તેના પર ધ્યાન આપવાનું શરૂ કર્યું. ત્યારથી રામ સેતુની ચર્ચાએ જોર પકડ્યું હતું. જોકે અમેરિકન પુરાતત્વવિદોએ અગાઉ પણ દાવો કર્યો હતો કે ભારત અને શ્રીલંકા વચ્ચે ખરેખર એક પુલ બનાવવામાં આવ્યો હતો. આ પુલના પથ્થરો તરતા હતા. આ ચૂનાના પથ્થર છે અને જ્વાળામુખીના લાવાથી બનેલા છે જે અંદરથી પોલા છે અને તેમાં નાના છિદ્રો છે. ઓછી ઘનતાના કારણે તેઓ પાણી પર તરતા લાગે છે.

વધુ વાંચો : ચીને બનાવી AIથી ચાલતી સેક્સ ડોલ્સ, આપશે 'સાચુકલો અનુભવ', વિશેષતાઓ વખાણવા લાયક

રામસેતુ 500 વર્ષ પહેલા સમુદ્ર ઉપર રહ્યો હશે

વૈજ્ઞાનિકોએ કહ્યું હતું કે આ પુલ લગભગ 500 વર્ષ પહેલા સમુદ્ર પર રહ્યો હશે પરંતુ પછી કુદરતી આફતો, વાવાઝોડાએ તેને તોડી નાખ્યો હતો અને તે પાણીમાં થોડા ફૂટ નીચે જતો રહ્યો હતો. આ સિવાય ગ્લોબલ વોર્મિંગને કારણે એન્ટાર્કટિકાનો બરફ પીગળી રહ્યો છે અને સમુદ્રનું સ્તર વધી રહ્યું છે. આવી સ્થિતિમાં અનેક જૂના બાંધકામો દરિયામાં ડૂબી રહ્યા છે.

2005માં યુપીએ સરકારના રામસેતુ તોડવાના નિર્ણય વિરોધ થયો હતો

2005માં યુપીએ સરકાર દરમિયાન અહીં એક ચેનલ બનાવવાની વાત થઈ હતી જેના માટે રામ સેતુનો એક ભાગ તોડવો પડ્યો હતો. આનો ભારે વિરોધ થયો હતો. આ પ્રોજેક્ટને સમર્થન કરનારાઓએ જણાવ્યું કે રામ સેતુના કારણે જહાજોને લાંબા અંતરની મુસાફરી કરવી પડે છે. જો ચેનલને વચ્ચેથી ખોલવામાં આવે તો 780 કિલોમીટરનું અંતર ઘટી જશે. વાસ્તવમાં, જ્યાં રામ સેતુ સ્થિત છે ત્યાં સમુદ્રની ઊંડાઈ ઘણી ઓછી છે અને તેથી મોટા જહાજો ત્યાંથી પસાર થઈ શકતા નથી. બાદમાં 2007માં કોર્ટે આ પ્રોજેક્ટ પર પ્રતિબંધ મૂક્યો હતો.