દુનિયાના અમીર લોકો પોતાની સિક્યોરિટી માટે દિવસના લાખો રૂપિયા ખર્ચ કરી દેતા હોય છે. આજે આપણે જાણીશું ફેસબુકના માલિક માર્ક ઝુકરબર્ગ, અમેઝોનના ફાઉન્ડર જેફ બેજોસ, આઈફોન અને આઈપેડ બનાવનારા એપલના સીઈઓ ટિમ કૂક, વારેન બફેટ અને મુકેશ અંબાણી પોતાની સિક્યોરિટી માટે એક દિવસ કે મહિનાના કેટલા લાખ રૂપિયા ખર્ચ કરે છે.
દુનિયાના અમીર લોકો સિક્યોરિટી માટે ખર્ચ કરે છે લાખો રૂપિયા
ફેસબુકના માલિક માર્ક ઝુકરબર્ગ કરે છે સૌથી વધારે ખર્ચ
અમીર દેશના રાષ્ટ્રપતિથી પણ વધુ ખર્ચ કરે છે ઝુકરબર્ગ
એક દિવસમાં 1.30 કરોડ રૂપિયા ખર્ચ કરે છે સિક્યોરિટી માટે
ફેસબુકના માલિક માર્ક ઝુકરબર્ગ સહિત દુનિયામાં અનેક અમીર લોકો પોતાની સિક્યોરિટી પર એક દિવસમાં લાખો રૂપિયા ખર્ચ કરે છે. જે અનેક અમીર દેશોના રાષ્ટ્રપતિ અને પ્રધાનમંત્રીના ખર્ચ કરતાં પણ વધારે છે.
માર્ક ઝુકરબર્ગ
ફેસબુકના માલિક
2017માં ખર્ચ કર્યા 5 હજાર કરોડથી પણ વધારે રૂપિયા
સિક્યોરિટી માટે રોજના 1.3 કરોડ રૂપિયા કરે છે ખર્ચ
ડેટા ચોરી કરીને કરોડો ડોલર કમાનાના આરોપમાં માર્ક ઝુકરબર્ગની આલોચના કરવામાં આવી. તેઓ પોતાની સુરક્ષાને લઈને હંમેશા ચર્ચામાં રહ્યા છે. રિપોર્ટ અનુસાર તેઓ પ્રધાનમંત્રી અને રાષ્ટ્રપતિ કરતાં પણ વધારે રૂપિયા ખર્ચ કરે છે. 2017માં તેઓએ લગભગ 5 હજાર કરોડ રૂપિયા ફક્ત સુરક્ષા માટે ખર્ચ કર્યા હતા. આ ખર્ચ 2016 કરતાં 50 ટકા વધારે હતો. 2016માં તેઓએ 3.2 હજાર કરોડ રૂપિયા ખર્ચ કર્યા હતા. ઉલ્લેખનીય છે કે તેઓ 1 દિવસમાં 1.3 કરોડ રૂપિયા પોતાની સિક્યોરિટી માટે ખર્ચ કરે છે. જે ઘણો જ વધારે છે.
જેફ બેજોસ
અમેઝોનના માલિક
સિક્યોરિટી માટે રોજના 2.84 લાખ રૂપિયા કરે છે ખર્ચ
ફોર્બ્સના આંકડા અનુસાર હાલના સમયમાં ઈ કોમર્સ કંપનીના અમેઝોનના ફાઉન્ડર જેફ બેજોસ દુનિયામાં સૌથી અમીર છે. તે પોચાના આઈડિયાઝને લઈને જાણીતા છે. પોતાની સિક્યોરિટી માટે તે વર્ષમાં લગભગ 10 કરોડ રૂપિયા ખર્ચ કરે છે. એવામાં તેમનો એક દિવસનો ખર્ચ લગભગ 2.84 લાખ રૂપિયાનો થાય છે.
ટીમ કૂક
એપલના સીઈઓ
સિક્યોરિટી માટે રોજના 40 હજાર રૂપિયા કરે છે ખર્ચ
આઈફોન અને આઈપેડ બનાવનારી દુનિયાની સૌથી મોટી ટેક કંપની એપલના સીઈઓ ટિમ કૂક છે. કંપની તેમની સિક્યોરિટી પર એક વર્ષમાં લગભગ 1,45,60,000 રૂપિયા ખર્ચ કરે છે. એક દિવસમાં તેમનો સિક્યોરિટી ખર્ચ લગભગ 40 હજાર રૂપિયાનો થાય છે.
વોરેન બફેટ
બર્કશાયર હૈથવેના ચેરમેન અને સીઈઓ
સિક્યોરિટી માટે રોજના 68 હજાર રૂપિયા કરે છે ખર્ચ
વોરેન બફેટને મની મેન કહેવામાં આવે છે. તેઓએ પોતાના મની મંત્રથી ઈન્વેસ્ટમેન્ટની રીતોને બદલી લીધી હતી. માનવામાં આવે છે કે તેમના અમીર બનવાના જે પણ મંત્ર છે તે ધારદાર છે. તેઓ પોતે માને છે કે બર્કશાયર હૈથવેના ચેરમેન અને સીઈઓ પોતાની સિક્યોરિટી માટે વર્ષના 2,51,55,000 રૂપિયા ખર્ચ કરે છે. આ આંકડા અનુસાર તેમનો એક દિવસનો ખર્ચ 68 હજાર રૂપિયાનો થાય છે.
મુકેશ અંબાણી
રિલાયન્સ ઈન્ડસ્ટ્રીના ચેરમેન
સિક્યોરિટી માટે મહિને 20 લાખ રૂપિયા કરે છે ખર્ચ
એશિયાના સૌથી અમીર વ્યક્તિ અને રિલાયન્સ ઈન્ડસ્ટ્રીના ચેરમેન મુકેશ અંબાણીની સિક્યોરિટી ખાસ છે. કમાન્ડોથી લઈને બાઉન્સર સુધીની સુરક્ષા તેમની સુરક્ષામાં લાગેલી રહે છે. પોતાની સિક્યોરિટી માટે દર મહિને 20 લાખ રૂપિયાનો ખર્ચ મુકેશ અંબાણી કરે છે. તેઓ જ્યારે ઘરની બહાર નીકળે ત્યારે લગભગ 2 ડઝન સુરક્ષા ગાર્ડ તેમની સેવામાં રહે છે. મુકેશ અંબાણીને સરકારને ઝેડ કેટેગરીની સુરક્ષા આપી છે. આ સુરક્ષા દેશમાં કોઈને મળનારી ત્રીજી ઊંચી સુરક્ષા છે. આ ઝેડ કેટેગરીમાં 22 સુરક્ષાકર્મી તૈનાત રહે છે.