66માં નેશનલ એવોર્ડની જાહેરાત તાજેતરમાં કરવામાં આવી. જેમાં હિંદી ફિલ્મ ઇન્ડસ્ટ્રીની અનેક ફિલ્મોની એવોર્ડ મળ્યા, જેમાં 'અંધાધૂન', 'ઉરી: ધ સર્જિકલ સ્ટ્રાઇક', 'બધાઇ હો', 'પેડમેન'નો સમાવેશ થાય છે.
જોકે સૌથી વધારે નેશનલ એવોર્ડ્સ પોતાના નામે કરવા માટે 'ઉરી: ધ સર્જિકલ સ્ટ્રાઇક' સફળ રહી. બેસ્ટ એક્ટર અને બેસ્ટ ડિરેક્ટર સિવાય 'ઉરી: ધ સર્જિકલ સ્ટ્રાઇક'ને બેસ્ટ બેકગ્રાઉન્ડ મ્યૂઝિક અને બેસ્ટ સાઉન્ડ ડિઝાઇનનો નેશનલ એવોર્ડ મળ્યો. જોકે સોશ્યલ મીડિયા પર લોકો આ ફિલ્મને લઇને કન્ફ્યૂઝ થઇ રહ્યા છે કે, એવોર્ડ 2018ની ફિલ્મો માટે હતો તો તેમાં વિકી કૌશલ સ્ટારર 'ઉરી: ધ સર્જિકલ સ્ટ્રાઇક' નો સમાવેશ કેવી રીતે થયો. 'ઉરી: ધ સર્જિકલ સ્ટ્રાઇક' 11 જાન્યુઆરી 2019ના રોજ રિલીઝ થઇ હતી.
Hold on. #Uri released on 2019.. How the movie eligible for 2018 #Nationalawards
ફેન્સ પૂછી રહ્યા છે કે ફિલ્મને કેવી રીતે એવોર્ડ મળ્યો. એવોર્ડની જાહેરાત પછી યૂઝર્સે લખ્યુ કે, 'ઉરી: ધ સર્જિકલ સ્ટ્રાઇક' 2019માં રિલીઝ થઇ હતી, તે 2018ના એવોર્ડ માટે કેવી રીતે પસંદ કરવામાં આવી.' અન્ય યૂઝર્સે પણ સવાલ કર્યા હતા.
The Central Board of Film Certification (CBFC) eligibility rules state that the films applying for the #NationalFilmsAwards should have been certified between 1st January, 2018 and 31st December, 2018. #Uri got its certificate exactly on the last 31st December, 2018. Check. pic.twitter.com/d0rfA3Wpz9
જોકે એક ટ્વિટર યૂઝર્સે જણાવ્યું કે સેન્ટ્રલ બોર્ડ ઓફ સર્ટિફિકેશન (CBFC)ની ગાઇડલાઇન્સ મુજબ જો ફિલ્મને 1 જાન્યુઆરીથી 31 ડિસેમ્બરની વચ્ચે રિલીઝ કરવામાં આવે તો સર્ટિફિકેટ મળે છે તો તેને એવોર્ડ આપવા પર વિચાર કરવામાં આવે છે. 'ઉરી: ધ સર્જિકલ સ્ટ્રાઇક' 31 ડિસેમ્બર 2018ના રોજ બોર્ડનું સર્ટિફિકેટ મેળવ્યુ હતિ. એટલા માટે આ ફિલ્મનો સમાવેશ 2018ના એવોર્ડમાં કરવામાં આવ્યો છે.
A post shared by Aditya Dhar (@adityadharfilms) on
'ઉરી: ધ સર્જિકલ સ્ટ્રાઇક' વર્ષ 2019ની પહેલી બ્લોકબ્સટર ફિલ્મ કહી શકાય. જણાવી દઇએ કે, આ ફિલ્મે ભારતે પાકિસ્તાન પર કરેલી સર્જિકલ સ્ટ્રાઇક પર આધારિત છે. ઉલ્લેખનીય છે કે, જ્યારે 18 સપ્ટેમ્બર 2016ના પાકિસ્તાની આતંકવાદીઓએ જમ્મૂ કાશ્મીરના ઉરી સેક્ટરમાં ભારતીય સેનાના મિલિટ્રી બેસ પર અચાનકથી હુમલો કર્યો હતો જેમાં 19 સૈનિકો શહીદ થયા હતા. 11 દિવસમાં ભારતીય સેનાએ પાકિસ્તાનમાં ધૂસીને સર્જિકલ સ્ટ્રાઇક કરી અને આતંકવાદીઓને કેમ્પને તબાહ કરી દીધા હતા. ઉરી: ધ સર્જિકલ સ્ટ્રાઇક' ફિલ્મ લગભગ 40 કરોડના બજેટમાં બની છે.