બીપીની જેમ ડાયાબિટીસના દર્દીઓ પણ વધી રહ્યા છે. ત્યારે જો ડાયાબિટીસના દર્દીઓ કાળજી ન રાખે તો અન્ય રોગો થવાની પણ શક્યતા વધી જાય છે
ડાયાબિટીસના દર્દીઓએ ખાસ સાચવવુ
ડાયાબિટીસને કંટ્રોલમાં રાખવુ જરૂરી
દાંતને પણ કરે છે અસર
હાલમાં ડાયાબિટીસ એક કોમન બીમારી બની ગઇ છે. ભારતમાં ઘણા લોકો આ બીમારીનો શિકાર બને છે. ડાયાબિટીસના દર્દીઓએ લાઇફસ્ટાઇલ અને ફૂડ હેબિટનું વિશેષ ધ્યાન રાખવું પડે છે ત્યારે જ તેઓ હેલ્ધી લાઇફ જીવી શકે છે. ડાયાબિટીસના દર્દીઓનું બ્લડ સુગર જ્યારે વધી જાય ત્યારે શરીરને ઘણુ નુકસાન કરે છે. ડાયાબિટીસની સમસ્યા ધરાવતા લોકોને હાઈ બ્લડ પ્રેશર, બ્રેઈન હેમરેજ, વગેરે જેવી અન્ય ઘણી બીમારીઓનો પણ સામનો કરવો પડે છે. પરંતુ શું તમને ખબર છે હાઇ બ્લડ સુગરની દાંતમાં પણ અસર થાય છે.
ડાયાબિટીસ દાંતને કેવી રીતે અસર કરે છે?
1. દાંતમાં સડો
બેક્ટેરિયા મોંમાં પ્રવેશવાના ઘણા રસ્તાઓ હોઈ શકે છે, પરંતુ જ્યારે તેઓ બ્લડ સુગરના સંપર્કમાં આવે છે, ત્યારે તેઓ દાંતની આસપાસ એક સ્તર બનાવે છે જેને પ્લેક કહેવામાં આવે છે. આ પ્લાકમાં એક ખાસ પ્રકારનો એસિડ હોય છે જે ધીમે ધીમે તમારા દાંતમાં સડો કરે છે. ડાયાબિટીસના દર્દીઓમાં સુગરનું પ્રમાણ વધારે હોય છે એટલે આવી સ્થિતિમાં દાંતમા જલદી સડો થવા લાગે છે.
2.પેઢાની બીમારી
ડાયાબિટીસ તમારી રોગપ્રતિકારક શક્તિને અસર કરે છે, જે ખૂબ જ નબળી પડી જાય છે અને તમે અન્ય ઘણી બીમારીઓનો શિકાર થવા લાગે છે. નબળી રોગપ્રતિકારક શક્તિને કારણે પેઢાના રોગ પણ થાય છે, આવી સ્થિતિમાં પેઢા સડવા લાગે છે.
ડાયાબિટીસના દર્દીઓએ દાંતના રોગોથી કેવી રીતે બચવું ?
1. તમારા બ્લડ શુગર લેવલને હંમેશા કંટ્રોલમાં રાખો અને તેને નિયમિતપણે ચેક કરતા રહો.
2. દરરોજ સવારે ઉઠ્યા પછી અને રાત્રે સૂતા પહેલા બ્રશ અથવા દાતણ કરો.
3. બે દાંત વચ્ચે ફસાયેલી ગંદકી દૂર કરવા ડેન્ટલ ફ્લોસનો ઉપયોગ કરો.
4. સિગારેટ, આલ્કોહોલ અને ઠંડા પીણા તમારા દાંતને નુકસાન પહોંચાડે છે, તેનાથી દૂર રહો.
5. નિયમિત તમારા દાંતની તપાસ કરાવો, જો જરૂરી હોય તો સ્કેલિંગ કરાવો.