કોરોના વાયરસને કારણે વિશ્વભરમાં હજારો લોકો મૃત્યુ પામ્યા છે, બીજી તરફ લાખો લોકો તેનાથી ચેપગ્રસ્ત છે. આવી સ્થિતિમાં, ઘણા દેશોએ આ વાયરસને રોકવા માટે કડક પગલા લીધા છે. ઘણા દેશોએ આ વાયરસ સામે લડવા ટેકનોલોજીની મદદ લીધી છે. જેમાં નોંધપાત્ર સફળતા પણ મળી છે.
હોંગકોંગની સરકારે કોરોના વાયરસને નિયંત્રણમાં રાખવા માટે એક ટેકનિક સાથેના રિસ્ટબેન્ડનો ઉપયોગ કર્યો છે, જે સતત સ્માર્ટફોન એપ્લિકેશન સાથે જોડાયેલો રહે છે. આ એપ્લિકેશન સતત લોકોના સ્થાનને ટ્રેક કરે છે અને સંબંધિત અધિકારીઓને તેની માહિતી આપ્યા કરે છે.
દક્ષિણ કોરિયા એ કોરોના વાયરસને શોધવા માટે સીસીટીવીનો ઉપયોગ કર્યો છે. કોરિયન સરકાર એક ટુલ દ્વારા દર્દીઓ પર નજર રાખે છે.
સિંગાપોરની સરકારે કોરોના વાયરસના દર્દીઓને ટ્રેક કરવા ટ્રેસ ટુગેધર નામની મોબાઇલ એપ્લિકેશન શરૂ કરી હતી. આ એપ્લિકેશન બ્લૂટૂથ પર કામ કરે છે મોબાઈલ એપ સત્તાવાળાઓને માહિતી આપે છે કે કોરોનાના દર્દી દિવસ દરમિયાન કેટલા લોકો મળ્યા છે.
ચીને કોરોના વાયરસને રોકવા માટે પ્રથમ કલર કોડિંગ ટેકનિકનો ઉપયોગ કર્યો છે. ચીને આ સિસ્ટમ માટે અલીબાબા અને ટેન્સન્ટ કંપની સાથે ભાગીદારી કરી છે. આ સિસ્ટમ સ્માર્ટફોન એપ્લિકેશન તરીકે કામ કરે છે. જેમાં યુઝર્સને તેમના પ્રવાસ અનુસાર લીલા, પીળો અને લાલ રંગનો ક્યૂઆર કોડ આપવામાં આવે છે. કલર કોડ્સ નક્કી કરે છે કે યુઝરને ઘરે આઇસોલેશનમાં રહેવું જોઇએ કે તેમને જાહેર સ્થળે જવાની મંજૂરી આપવી જોઈએ.
ચીની સરકારે આ સિસ્ટમ માટે અનેક ચેકપોઇન્ટ બનાવ્યા છે, જ્યાં લોકોને તપાસવામાં આવે છે. અહીં તેમને તેમની મુસાફરી અને મેડિકલ હિસ્ટ્રીના આધારે ક્યૂઆર કોડ આપવામાં આવે છે. જો કોઈને લીલો રંગનો કોડ મળે છે, તો તેઓ કોઈપણ સાર્વજનિક સ્થળે જઇ શકે છે. જો કોઈને લાલ રંગનો કોડ મળે છે, તો તેને ઘરમાં રહેવાનું કહેવામાં આવે છે. આ સિસ્ટમનો ઉપયોગ 200 થી વધુ ચીની શહેરોમાં કરવામાં આવ્યો છે.