સ્પોર્ટ્સ / WTC ફાઈનલમાં કેવી રીતે પહોંચી શકે ટીમ ઈન્ડિયા, કેટલી મેચ જીતવી જરૂરી? સમજો સમગ્ર સમીકરણ

બોર્ડર ગાવસ્કર ટ્રોફીમાં ઈન્ડિયાની ટીમે પહેલી જ મેચ જીતી લીધી છે. જેથી તે વર્લ્ડ ટેસ્ટ ચેમ્પિયનશિપ પોઈન્ટ ટેબલમાં પ્રથમ સ્થાને પહોંચી ગઈ છે. આ સાથે જ ઇન્ડિયન ટીમ વર્લ્ડ ટેસ્ટ ચેમ્પિયનશિપની ફાયનલ માટે પ્રબળ દાવેદાર બની ગઈ છે. તેમ છતાં હજુ પણ બીજી ટીમોના પરફોર્મન્સ પર પણ ભારતીય ટીમનો મદાર રહેશે.

અગાઉ પણ ટીમ ઈન્ડિયા વર્લ્ડ ટેસ્ટ ચેમ્પિયનશિપના પોઈન્ટ ટેબલમાં પહેલા સ્થાન પર હતી, પરંતુ ન્યૂઝીલેન્ડ સામે ત્રણ મેચમાં હાર બાદ ટીમને બીજા સ્થાને જવું પડ્યું હતું. પણ ઓસ્ટ્રેલિયાને ભારતે પહેલી જ મેચમાં હરવતા તે પ્રથમ નંબરે આવી ગઈ હતી. ભારતની આ જીત ઘણી રીતે મહત્વની છે કેમ કે તેને ભારતીય ટીમ રોહિત શર્મા, શુભમન ગિલ અને મોહમ્મદ શમી વગર પણ જસપ્રીત બુમરાહની કપ્તાનીમાં ભારતીય ટીમે ઓસ્ટ્રેલિયા સામે જીત મેળવી હતી. જો ભારતે હવે WTC ફાઇનલમાં જવું હોય તો તેને કેટલી મેચ જીતવી પડશે તેનું કેલક્યુકેશન જાણીશું.

વર્લ્ડ ટેસ્ટ ચેમ્પિયનશિપના પોઈન્ટ ટેબલ પર નજર કરીએ તો ભારતીય ટીમ 61.11 પોઇન્ટ સાથે નંબર એક પર છે. અને ઓસ્ટ્રેલિયાની ટીમ 57.69 પોઇન્ટ સાથે બીજા નંબર પર છે. જો ઓસ્ટ્રેલિયા અહીંથી વધુ એક મેચ હારશે તો તેને બીજા સ્થાનેથી પણ નીચે જવું પડશે

.

વધુ વાંચો : બોર્ડર-ગાવસ્કર ટ્રોફીની બીજી મેચ હશે ડે-નાઈટ ટેસ્ટ, એડિલેડમાં થશે ટીમ ઇન્ડિયાના પાંચ ખેલાડીઓનું પિંક બોલ ટેસ્ટમાં ડેબ્યૂ!

• ભારતે ચારમાંથી વધુ ત્રણ મેચ જીતવી પડશે
  ભારત અને ઓસ્ટ્રેલિયા વચ્ચેની ટેસ્ટ સીરીઝમાં કુલ 5 મેચો રમાવાની છે. ભારતે પ્રથમ મેચ જીતી લીધી છે. જો ટીમ ઈન્ડિયા બીજી ત્રણ મેચ જીતે છે અને એક મેચ ડ્રો થાય છે, તો ભારતીય ટીમ ડાયરેક્ટ ફાઈનલમાં પહોંચી જશે. જો ટીમ ઈન્ડિયા એક મેચ હારે અને ત્રણ મેચ જીતી જાય તો પણ તેની ફાઇનલમાં જવાની સંભાવના છે. પરંતુ અન્ય ટીમો પોત પોતાની ટેસ્ટ મેચમાં કેવું પ્રદર્શન કરે છે તેના પર ઘણું નિર્ભર રહેશે. જો ભારતની ટીમ આ સીરીઝમાં બાકીની ચારમાંથી બે મેચ હારી જાય છે, તો તેની ફાઇનલમાં પહોંચવાની શક્યતા ઘણી ઓછી થઈ જશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ