જો તમારી પાસે તમારો પીપીઓ નંબર નથી તો ચિંતા ન કરતાં, કારણ કે EPFOએ દેશના કરોડો લોકોને મોટી રાહત આપી છે.
પેન્શનધારકો માટે આવ્યા કામના સમાચાર
તમારી પાસે તમારો પીપીઓ નંબર નથી તો ચિંતા ન કરતાં
EPFOએ દેશના કરોડો લોકોને મોટી રાહત આપી
હવે તમે તમારા બેંક એકાઉન્ટ નંબર અને પીએફ નંબર દ્વારા પણ પીપીઓ નંબર વિશે જાણી શકો છો. પેન્શન ધારકો માટે આ નંબર ખૂબ જ મહત્વપૂર્ણ છે. કર્મચારીની નિવૃત્તિ પછી આ નંબર ઇએફએફઓ દ્વારા જારી કરવામાં આવે છે. EPFOએ ટ્વિટ કરીને જાણકારી આપી છે કે, માત્ર પાંચ સરળ સ્ટેપ્સમાં પીપીઓ નંબર જાણી શકાય છે.
આ સ્ટેપ્સ કરો ફોલો
સૌ પ્રથમ તમારે પીપીઓની વેબસાઈટ પર જવું પડશે
અહીં પેન્શનર્સ પોર્ટલ પર ક્લિક કરો
પછી અહીં Know your PPO Number પર ક્લિક કરો
હવે તમારે તમારો બેંક એકાઉન્ટ નંબર અથવા પીએફ નંબર સબમિટ કરવો પડશે
સક્સેસફુલ સબમિશન બાદ પીપીઓ નંબર સ્ક્રીન પર દેખાશે
PPO નંબર આ રીતે પણ મળી શકે છે
https://mis.epfindia.gov.in/PensionPaymentEnquiry// લિંક દ્વારા તમારો PPO નંબર મેળવી શકો છો. EPFO પાસે PPO નંબર સંબંધિત માહિતી મેળવવા માટે એક અલગ વેબસાઇટ છે. અહીં તમે જીવન પ્રમાણપત્ર, પીપીઓ નંબર, ચુકવણીની માહિતી અને તમારી પેન્શનની સ્થિતિ વિશેની માહિતી મેળવી શકો છો.
શું હોય છે PPO નંબર
PPOની મદદથી રિટાયરમેન્ટ બાદ પેન્શનર્સને પેન્શન મળે છે. આ એક 12 ડિજીટનો નંબર હોય છે. જે સેન્ટ્રલ પેન્શન અકાઉંટીંગ ઓફીસને કંઇ પણ કમ્યૂનિકેટ કરવા માટે હોય છે. પેન્શનર્સની પાસબૂકમાં આ નંબર હોય છે. બેન્કની એક બ્રાંચમાંથી બીજી બ્રાંચમાં અકાઉન્ટ ટ્રાંસફર કરવા માટે પણ આ નંબર ખૂબ જરૂરી છે.
PPO નંબરનું શું છે મહત્વ?
પેન્શનર તરીકે તમારે ધ્યાનમાં રાખવું જોઈએ કે તમારી પાસબુકમાં પેન્શન ચુકવણીનો ઓર્ડર નંબર દાખલ થયો છે. ઘણી વખત એવું બને છે કે બેંક કર્મચારીઓ પેન્શનરની પાસબુકમાં PPO નંબર દાખલ કરતા નથી. પેન્શન ખાતું એક શાખામાંથી બીજી શાખામાં ટ્રાન્સફર કરવાના કિસ્સામાં જ્યારે પાસબુકમાં કોઈ PPO નંબર નથી તો તે મુશ્કેલીઓ ઉભી કરી શકે છે. આને કારણે, પેન્શનમાં વિલંબ પણ થઈ શકે છે. આ સિવાય જો તમે EPFO માં તમારી પેન્શન સંબંધિત કોઈ ફરિયાદ નોંધાવો તો તમારે PPO નંબર આપવો પણ ફરજિયાત છે. ઓનલાઇન પેન્શનની સ્થિતિ જાણવા માટે PPO નંબર પણ જરૂરી છે.