તમે નાનપણથી સાંભળતા આવ્યા છો કે તમે બીજા સાથે જેવો વ્યવહાર કરો છો તેવા જ વ્યવહારની અપેક્ષા પણ રાખો. તમે ઘરે હોવ કે બહાર દરેક વ્યક્તિનું સન્માન કરો. જો તમે બીજાનું અટેન્શન મેળવવા માંગતા હોવ તો તમારે કેટલીક આદતો પાડવાની જરૂર છે. આજે અમે એવી કેટલીક ટિપ્સ વિશે વાત કરીશું.
બીજા બની જશે તમારા ચાહક
આદતો બદલો અને બનો સૌના પ્રિય
દયા-ભાવ રાખવાથી બનશો પ્રિય
તમે જોયુ હશે કે તેવા વ્યક્તિઓની ખૂબ પ્રશંસા કરવામાં આવે છે જે વ્યક્તિ બીજાઓ પ્રત્યે દયા રાખે છે. જો તમારા અંદર પણ આ ખૂબી હશે તો તમને પણ લોકો રિસપેક્ટની નજરે જોશે.
તમારા વર્તનમાં થોડી નરમાશ રાખો, પરિવાર કે આડોશ પડોશમાં અથવા કલીગ કે મિત્રો સાથે વાત કરતા નરમાશથી વાત કરવી જોઇએ. તમે બીજા વ્યક્તિને સારી રીતે બોલાવશો તો જ તમને પણ રિસપેક્ટ મળશે.
ઓછુ અને નરમાશ સાથે બોલવું પણ તમને બીજા કરતા અલગ બનાવશે. તમારો હસતો ચહેરો બીજાઓને તમારી તરફ આકર્ષિત કરશે. તમારાથી નાનુ કે ઉંમરમાં મોટુ હોય તો પણ તેના માટે સન્માનની ભાવના રાખો.
લોકોને સાંભળવાની આદત રાખો, ઘણીવાર લોકોને તમારા માટે એટલે આદર હોય છે કે તમે તેમની વાતો સાંભળો છો. લોકો તમારી સાથે હળવા મળવાનુ વધારી દેશે.
તમારી અંદર સહનશક્તિ વધારો, લોકોની વાતો સાંભળવી તેમની સાથે ચર્ચા કરવી અને બાદમાં નારાજગી થાય તો પણ તેનાથી સંબંધ ખરાબ ન થાય તેનું ધ્યાન રાખો.