ટેક નોલેજ / મોબાઇલ નંબર જણાવ્યા વગર કોઇને પણ કરો કૉલ અથવા મેસેજ, ફોલો કરો આ સ્ટેપ

જો તમે કોઇને કોલ અથવા મેસેજ કરવા ઇચ્છો છો અને તમારો પર્સનલ નંબર કોઇને જણાવવા ઇચ્છતા નથી તો પરેશાન થવાની જરૂર નથી કારણ કે આજે અમે તમને એક એવી રીત જણાવીશું જેની મદદથી તમે કોઇને પણ તમારો પર્સનલ  મોબાઇલ નંબર દેખાડ્યા વગર કોલ અથવા મેસેજ કરી શકો છો. 

એના માટે સૌથી પહેલા Google play storeથી પોતાના એન્ડ્રોઇડ ફોનમાં Text Me એપને ડાઉનલોડ કરો. ત્યારબાદ અહીંયા રજિસ્ટ્રેશન માટે તમારા રિયલ નંબરની જગ્યાએ કોઇ અન્ય નંબરનો ઉપયોગ કરો કારણ કે કોઇને તમારા પર્સનલ નબંર માટે જાણી શકે નહીં. રજિસ્ટ્રેશન થયા બાદ જો તમે કોઇના નંબર પર કોલ કરો છો તો તમારો નંબર દેશના અલગ અલગ કોડની સાથે જોવા મળશે. 

આ એપની ખાસિયત છે કે એમાં એક સાથે ઘણા નંબરનો ઉપયોગ થઇ શકે છે. જો કે એકથી વધારે નંબર યૂઝ કરવા માટે દર મહિને 60 રૂપિયા ચુકવવા પડશે. ત્યારબાદ આ એપથી તમે ફ્રી માં મેસેજ અને કોલ કરી શકો છો અને રિયલ નંબરને બીજા સાથે શેર કરતા બચી શકો છો. જણાવી દઇએ કે આ એપ હાલ માત્ર અમેરિકા અને કેનેડામાં ઉપયોગ કરી શકાય છે. આ એપમાં મેસેજ માટે તમને સ્ટિકર, ફોટો અને વીડિયોઝની પણ સુવિધા મળે છે.