એશ્વર્યા રાય બચ્ચન કાન્સ ફિલ્મ ફેસ્ટિવલ 2022માં ધૂમ મચાવવા પહોંચી ગઈ છે. તેને રેડ કાર્પેટ પર જોઈને ફેન્સ ખૂબ જ ખુશ છે.
ઐશ્વર્યા દર વખતે લે છે કાન્સમાં ભાગ
ઘણા સમયથી નથી કરી ફિલ્મો
આ કારણે મળે છે તેને કાન્સનું આમંત્રણ
આજની તારીખમાં ઘણા નવા ભારતીય ચહેરાઓ કાન્સ ફિલ્મ ફેસ્ટિવલમાં હાજરી આપતા જોવા મળે છે. જોકે એ વાતમાં બિલકુલ બે મત નથી કે આ ફિલ્મ ફેસ્ટિવલમાં કમસે કમ ભારતની પોસ્ટલ ગર્લ તો એશ્વર્યા રાય જ રહેવાની છે.
પતિ અભિષેક અને દિકરી સાથે ફ્રાન્સ પહોંચી ઐશ્વર્યા
વિશ્વભરમાંથી તેના ફેન્સ આ રેડ કાર્પેટ દરમિયાન તેને જોવાની આતુરતાથી રાહ જોઈ રહ્યા હોય છે. આ વખતે પણ ફેન્સ તેની આતુરતાથી રાહ જોતા જોવા મળ્યા. ઐશ્વર્યા રાય તેના પતિ અભિષેક બચ્ચન અને પુત્રી આરાધ્યા સાથે ફ્રાન્સ પહોંચી છે. આ દરમિયાન તેમનું ઉષ્માભર્યું સ્વાગત પણ કરવામાં આવ્યું હતું.
એશ્વર્યા દર વર્ષે શા માટે લે છે આમા ભાગ?
જો કે આ બધાની વચ્ચે દરેકના મનમાં એક પ્રશ્ન ચોક્કસપણે આવે છે કે કોઈપણ ફિલ્મમાં કામ કર્યા વિના ઐશ્વર્યા દર વર્ષે કાન્સનો ભાગ કેવી રીતે બની જાય છે. આ એક મૂવિ ફેસ્ટીવલ છે જેને સેલિબ્રેટ કરવા કલાકારો ભેગા થાય છે. કેટલાક લોકો તેમની ફિલ્મના પ્રીમિયર માટે અહીં આવે છે.
કેટલાક લોકો અહીં જ્યુરી તરીકે અથવા મૂવી કોમ્પિટિશનનો ભાગ બનવા માટે આવે છે. આવી અનેક શ્રેણીઓમાં વિશ્વભરમાંથી લોકોને આમંત્રિત કરવામાં આવે છે. આ બધા સિવાય પ્રખ્યાત લોકોને પણ આ ફેસ્ટિવલનો ભાગ બનવા માટે આમંત્રિત કરવામાં આવે છે પરંતુ તેઓ કોઈને કોઈ કારણસર તેમાં અપીયર કરે છે.
ગેસ્ટ તરીકે પહોંચે છે એશ્વર્યા
ઐશ્વર્યા રાય બચ્ચન પહેલીવાર વર્ષ 2003માં કાન્સ ફિલ્મ ફેસ્ટિવલમાં પહોંચી હતી. અલગ-અલગ કારણોસર તે અત્યાર સુધી તેનો એક ભાગ બની રહી છે. પરંતુ છેલ્લા કેટલાક વર્ષોથી તે ગેસ્ટ તરીકે કાન્સમાં પહોંચી રહી છે.
હકીકતે કાન્સ ફિલ્મ ફેસ્ટિવલમાં Loreal અને Chopard સાથે 25 વર્ષથી વધુ સમયથી પાર્ટનરશિપ છે. આવી સ્થિતિમાં ઐશ્વર્યા રાય બચ્ચન લોરિયલની બ્રાન્ડ એમ્બેસેડર છે. આ જ કારણ છે કે તેને દર વર્ષે આ ફેસ્ટિવલનું આમંત્રણ મળે છે. તે રેડ કાર્પેટ પર આ બ્રાન્ડનું પ્રતિનિધિત્વ કરે છે.