BIG NEWS / સાઉદી અરબમાં આતંકી હુમલા બાદ નવા-જૂનીના એંધાણ, ભારત પર પડી શકે છે સીધી માઠી અસર

• સાઉદી અરબ અને યમન વચ્ચે ઘર્ષણની સ્થિતિ
• હૂતી વિદ્રોહીઓ દ્વારા કરાઇ જવાબી કાર્યવાહી
• જેદ્દા શહેરમાં તેલ ડેપોમાં આગ લગાવી 

હજી તો રશિયા અને યુક્રેન વચ્ચે યુદ્ધ શાંત થયુ નથી ત્યાં વધુ એક દેશમાં હુમલા શરુ થઇ ગયા. સાઉદી અરબ અને યમન વચ્ચે છેલ્લા કેટલાંય સમયથી ઘર્ષણની સ્થિતિ સર્જાઇ છે. સાઉદી અરબ દ્વારા યમનના કેટલાક વિસ્તારો પર હુવાઇ હુમલા કરવામાં આવ્યા હતા. તેના જવાબમાં હૂતી વિદ્રોહીઓ દ્વારા પણ જવાબી કાર્યવાહી કરવામાં આવી હતી. આ કાર્યવાહીમાં સઉદી અરબના જેદ્દા શહેરમાં તેલ ડેપોમાં આગ લગાવી દીધી હતી. 

જેદ્દા શહેરમાં તેલ ડેપોમાં આગચંપી

યમનના હૂતી વિદ્રોહીઓએ ફોર્મ્યુલા વન ઇવેન્ટ પહેલા શુક્રવારે સાઉદી અરેબિયાના જેદ્દાહ શહેરમાં તેલના ડેપો પર હુમલો કર્યો હતો. જે અત્યાર સુધીનો સૌથી હાઈ-પ્રોફાઈલ હુમલો છે. જો કે, સાઉદી અરેબિયાના સત્તાધીશો ફોર્મ્યુલા વન ઇવેન્ટ શેડ્યૂલ મુજબ યોજવા માટે મક્કમ રહ્યા છે. આ હુમલામાં એજ તેલના ડેપોને નિશાન બનાવવામાં આવ્યું હતું જેના પર તાજેતરના દિવસોમાં હૂતી વિદ્રોહીઓ દ્વારા હુમલો કરવામાં આવ્યો હતો.

કોઇ જાનહાનિ નહિ, તેલની કિંમત પર થશે અસર

હુમલામાં કોઈ જાનહાનિના અહેવાલ નથી. સાઉદી અરેબિયા ઓઈલ કંપની, જેને સાઉદી અરામકો તરીકે પણ ઓળખવામાં આવે છે, તેણે હજુ સુધી આ અંગે કોઈ ટિપ્પણી કરી નથી. સાઉદી અરેબિયાના સત્તાવાળાઓએ સ્વીકાર્યું કે જેદ્દાહના ઓઇલ ડેપોને  શત્રુતાપૂર્ણ અભિયાન હેઠળ નિશાનો બનાવવામાં આવ્યું.હૂતી તેઓએ હુમલામાં વપરાયેલા હથિયારની જાણકારી આપી નથી. મહત્વનું છે કે યમનમાં હૂતીઓ સક્રિય થયા બાદ યમનના તાનાશાહએ પણ પોતાની સત્તા છોડવી પડી હતી. અરામકો પર હૂતીઓ દ્વારા હુમલો કરવામાં આવ્યો હતો. અરામકો વિશ્વની અગ્રણી તેલ કંપનીઓમાંની એક છે. અરામકો પર થયેલા હુમલાને કારણે વિશ્વભરમાં તેલની કિંમતો પર સીધી અસર થશે

The Houthis struck an Aramaco facility in Jeddah, Saudi Arabia a while ago. The KSA's foreign ministry signaled earlier this week that Houthi attacks were taking a toll on the production of oil. Today's attack will likely exacerbate the problem. pic.twitter.com/HqyYsJ0ytH

— Joe Truzman (@JoeTruzman) March 25, 2022

ઉર્જાસુરક્ષા-વૈશ્વિક અર્થવ્યવસ્થા નબળી પાડવાનો ઉદ્દેશ

મહત્વનું છે કે સાઉદી અરેબિયા યમનમાં ઈરાન સમર્થિત હૂતી વિદ્રોહીઓ સામે લડતા ગઠબંધનનું નેતૃત્વ કરી રહ્યું છે. આ વિદ્રોહીઓએ સપ્ટેમ્બર 2014માં યમનની રાજધાની સના પર કબજો કરી લીધો હતો. સાઉદીની આગેવાની હેઠળના ગઠબંધનના પ્રવક્તા બ્રિગેડિયર જનરલ તુર્કી અલ-મલ્કીએ જણાવ્યું હતું કે આગમાં બે ટેન્કને નુકસાન થયું છે. રાજ્ય સંચાલિત સાઉદી પ્રેસ એજન્સીના જણાવ્યા અનુસાર, અલ-મલ્કીએ કહ્યું, "આ પ્રતિકૂળ કાર્યવાહી તેલ સુવિધાઓને લક્ષ્યાંકિત કરે છે અને તેનો ઉદ્દેશ ઊર્જા સુરક્ષા અને વૈશ્વિક અર્થવ્યવસ્થાની કરોડરજ્જુને નબળી પાડવાનો છે." બ્રિટનના વડા પ્રધાન બોરિસ જોહ્ન્સનને ટ્વિટર પર આ હુમલાની નિંદા કરી હતી,.

I fully condemn the latest Houthi attack against critical sites in Saudi Arabia, including in Jeddah. These strikes put civilian lives at risk and must stop.

— Boris Johnson (@BorisJohnson) March 25, 2022

હૂતી વિદ્રોહીઓ કોણ છે?

• હૂતી વિદ્રોહીઓ 1980ના દાયકામાં યમનમાં સક્રિય થયા
• યમનમાં શિયાઓ વિરુદ્ધ અત્યાચાર સામે હૂતીઓએ હથિયાર ઉઠાવ્યા
• 2000ના દાયકામાં હૂતીઓએ મોટા હુમલા કરવાનું શરૂ કર્યું
• 2004થી 2010 સુધી યમનની સેના સામે જ હૂતીઓએ ચાર યુદ્ધ કર્યા
• 2011માં યમનની સ્થિતિ પર સઉદી અરબ, UAEએ હસ્તક્ષેપ કરીને યુદ્ધ શાંત કર્યું
• યમનના તાનાશાહ અબ્દુલ્લા સાલેહને રાષ્ટ્રપતિનું પદ છોડવું પડ્યું
• સાલેહ બાદ અબ્દરબ્બૂ મંસૂર હાદીને યમનની કમાન મળી
• હાદીને પણ સત્તા પરથી હટાવીને હૂતીઓએ રાજધાની સના પોતાના કબજામાં લઈ લીધી

અરામકો પર હુમલાની ભારત પર શું અસર ?

• અરામકો વિશ્વની અગ્રણી ક્રુડ ઓઈલ કંપની છે
• ભારત સહિત અનેક દેશો અરામકો પાસેથી ક્રુડ ઓઈલ ખરીદે છે
• અરામકોની કોઈપણ નીતિ વિશ્વભરમાં ઈંધણના ભાવને સીધી અસર કરે છે
• અરામકો પર હુમલાનો સઉદી જવાબ આપશે એટલે તણાવ વધશે
• રશિયા-યુક્રેન વચ્ચેના યુદ્ધના કારણે અનેક દેશો ઈંધણ મામલે ખાડી દેશો પર નિર્ભર
• અરામકો હાલ ઈંધણની વધતી માગ સામે જથ્થો વધારવાના પ્રયાસમાં છે
• રશિયા-યુક્રેન બાદ ખાડી દેશોમાં તણાવ વધે તો ક્રુડ ઓઈલના ભાવમાં વૈશ્વિક સ્તરે વધારો થશે