Howdy Modi / આ ભારતીય મહિલા શેફ તૈયાર કરશે પીએમ મોદીનું ભાણું, અમેરિકામાં તૈયાર કરાઈ સ્પેશ્યિલ 'નમો થાળી'

• મહિલા શેફ કિરણ વર્મા તૈયાર કરશે પીએમ મોદીને માટે શાકાહારી પકવાન
• પીએમ મોદીને માટે હ્યુસ્ટનમાં બનશે વિવિધ વાનગીઓ
• અમેરિકામાં સ્પેશ્યિલ 'નમો થાળી' તૈયાર થઈ

પીએમ મોદી અમેરિકાના ટેક્સાસમાં પહોંચી ચૂક્યા છે. અહીં તેઓ આજે એટલે કે રવિવારે હાઉડી મોદી સમારોહને સંબોધિત કરશે. આ સમારોહમાં 50 હજારથી પણ વધારે લોકો ભાગ લેશે. જેમાં અમેરિકાના 48 રાજ્યોમાં રહેનારા ભારતીય લોકોનો સમાવેશ થશે. અમેરિકી રાષ્ટ્રપતિ ડોનાલ્ડ ટ્રંપ, અમેરિકી સાંસદ અને મેયર પણ સામેલ થશે.

હ્યુસ્ટનમાં પીએમ મોદી માટે ખાસ પકવાન બનાવવામાં આવી રહ્યા છે. પીએમ મોદી માટે સ્પેશ્યિલ 'નમો થાળી' તૈયાર કરવામાં આવી છે. ભારતીય મહિલા શેફ કિરણ વર્મા હ્યુસ્ટનમાં પીએમ મોદી માટે નાસ્તો, લંચ અને ડિનર તૈયાર કરશે. શેફે કહ્યું કે તેઓ પીએમ મોજી માટે પહેલી વાર પકવાન બનાવી રહી છે. પીએમ મોદી શાકાહારી છે અને તેના આધારે શાકાહારી વાનગીઓ પીરસવામાં આવશે. 

પીએમ મોદીની તરફથી નથી કોઈ ખાસ ઈચ્છા

મહિલા શેફ કિરણે જણાવ્યું કે પીએમ મોદીને 'નમો થાળી' પીરસવામાં આવશે. આ થાળી સામાન્ય લોકો માટે પણ મળી રહેશે. પીએમ મોદીને માટે રોજ અલગ અલગ ડિશ બનાવવામાં આવશે. તેમના સ્વાગતમાં અલગ અલગ રાજ્યોના પકવાન પણ બનાવવામાં આવશે. જો કે પીએમ મોદી તરફથી કોઈ ખાસ પકવાનની ઈચ્છા આવી નથી. 

હાઉડી સમારોહને સંબોધિત કરશે પીએમ મોદી

પીએમ મોદી હ્યુસ્ટનમાં હાઉડી મોદી કાર્યક્રમને સંબોધિત કરશે. અમેરિકામાં હાઉડી મોદી સમારોહ કોઈ લોકતાંત્રિક રીતે પસંદ કરાયેલા વિદેશી નેતા માટે યોજાનારો સૌથી મોટો સમારોહ છે. અમેરિકામાં પોપ પછી કોઈ વિદેશી નેતાને માટે એકત્રિત થનારી સૌથી મોટી ભીડ હશે. આ સમારોહમાં 1000થી વધુ સ્વયંસેવીઓ અને ટેક્સાસના 650થી વધુ સંગઠનોનો સહયોગ લેવામાં આવશે. 

રાષ્ટ્રપતિ ડોનાલ્ડ ટ્રંપ કરશે પીએમ મોદીનું સ્વાગત

હાઉડી મોદી સમારોહ એનઆરજી સ્ટેડિયમમાં રવિવારે સવારે 8.45થી શરૂ થશે. જે બપોરે 12.30 સુધી ચાલશે. એનઆરજી સ્ટેડિયમમાં 71 હજાર 995 લોકોને બેસવાની વ્યવસ્થા છે. આના આધારે સમારોહનું મહત્વ સમજી શકાય છે. પીએમ મોદીનું સ્વાગત કરવા માટે રાષ્ટ્રપતિ ડોનાલ્ડ ટ્રંપ જાતે હાજર રહેશે. 
 

ફોટો સૌજન્ય : Facebook/kirbygrovehouston