સુધાર / રિયલ એસ્ટેટ ફરી પાટે ચડ્યું, અમદાવાદ સહિત ટૉપ-8 શહેરોમાં ઘરોના ભાવમાં 8 ટકાનો ઉછાળો, જાણો કેટલું વધ્યું વેચાણ

• સિમેન્ટ અને સ્ટીલ જેવા કાચા માલની કિંમતમાં થયો વધારો
• ટોપ-8 શહેરોમાં ઘરના ભાવમાં 7 ટકાનો વધારો નોંધાયો
• પ્રોપટાઈગર ડૉટ કૉમના એક રિપોર્ટમાં માહિતી સામે આવી

2020ની તુલનામાં 2021માં નવા પુરવઠામાં ગતિ જોવા મળી

પ્રોપટાઈગર ડૉટ કૉમે પોતાના રિપોર્ટ રિયલ ઈનસાઈટ રેઝિડેન્શિયલ-એન્યુઅલ રાઉન્ડ-અપ 2021માં કહ્યું કે મકાનોનુ વેચાણ 2021માં 13 ટકાથી વધીને 2,05,936 યુનિટ થયુ છે, જે ગયા વર્ષે 1,82,639 યુનિટ હતુ.પ્રોપટાઈગરે કહ્યું કે 2020ની તુલનામાં 2021માં નવા પુરવઠામાં ગતિ જોવા મળ છે અને આ આંકડો 1.22 લાખ યુનિટથી વધીને 2.14 લાખ યુનિટ થયુ, જે 75 ટકાનો વધારો દર્શાવે છે. રિપોર્ટ મુજબ, કોરોના વાયરસ મહામારી બાદ સરકારના સમર્થન ઉપાયો, સારી ગ્રાહક ભાવના અને સ્થિર કિંમતોને પગલ આ વધારો જોવા મળ્યો.  

કયા શહેરમાં ભાવમાં કેટલો ઉછાળો આવ્યો

હાઉસિંગ ડૉટકૉમ, મકાન ડૉટકૉમ અને પ્રોપટાઇગર ડૉટકૉમના સમૂહ મુખ્ય કાર્યપાલક અધિકારી ધ્રુવ અગ્રવાલે કહ્યું કે દેશમાં રિયલ એસ્ટેટ માર્કેટે ઝડપથી વાપસી કરી છે અને સરકારનુ સમર્થન અને ઓછા વ્યાજદરને પગલે આ ક્ષેત્રમાં ગતિ યથાવત રહેશે. ટોપ-8 શહેરોની વાત કરીએ તો અમદાવાદ અને હૈદ્રાબાદમાં ઘરના ભાવમાં 7 ટકાનો વધારો નોંધાયો છે. બેંગલુરૂમાં 6 ટકા, પુણેમાં 3 ટકા અને મુંબઈમાં 4 ટકાનો વધારો નોંધાયો. તો દિલ્હી-NCR, કોલકત્તા અને ચેન્નઈમાં 5 ટકાનો વધારો નોંધાયો. 

સેલ્સ યુનિટના આધારે પ્રદર્શન 

હાઉસિંગ સેલ્સની વાત કરીએ તો અમદાવાદમા 39 ટકા, બેંગલુરૂમાં 7 ટકા, ચેન્નઈમાં 25 ટકા, દિલ્હી-NCRમાં 1 ટકા, હૈદ્રાબાદમાં 36 ટકા, કોલકત્તામાં 9 ટકા, મુંબઈમાં 8 ટકા, પુણેમાં 9 ટકાનો ઉછાળો નોંધવામાં આવ્યો છે. રિપોર્ટમાં કહેવામાં આવ્યું છે કે 2022માં પણ રિયલ એસ્ટેટના સેન્ટિમેન્ટમાં ફેરફાર થશે.