પેટ્રોલ ડીઝલ બાદ હવે શાકભાજીના ભાવમાં પણ ધરખમ વધારો થતા ગૃહિણીઓનું આર્થિક બજેટ પણ ખોરવાયું છે
ઈંધણના ભાવ વધારા બાદ શાકભાજીના ભાવ આસમાને
રાજ્યમાં ભારે વરસાદના કારણે શાકભાજીના પાકને નુકસાન
ગરીબોની કસ્તુરી મોંઘી, બટાકા,લીલા શાકભાજી પણ મોંઘા
એક તરફ રાજ્યમાં મોંઘવારીએ માજા મૂકી છે ત્યારે હવે ગૃહિણીઓનું આર્થિક બજેટ પણ ખોરવાય તેવું લાગી રહ્યું છે. કેમ કે પેટ્રોલ ડીઝલ બાદ હવે શાકભાજીના ભાવમાં પણ ધરખમ વધારો થતા સામાન્ય જનતાને રોવાનો વારો આવ્યો છે.
ગૃહિણીઓનું બજેટ ખોરવાશે
શહેરમાં પેટ્રોલ ડીઝલ બાદ હવે શાકભાજીના ભાવમાં વધારો જોવા મળી રહ્યો છે. જેથી શહે શું ખાવું એ મુશ્કેલ બન્યું છે એક તરફ ઘરેલું ગેસની કિંમતોમાં વધારો થયો છે ત્યારે હવે શાકભાજી પણ મોંઘુ થતા ગરીબર અને મધ્યમ વર્ગને મોંઘવારીનો માર સહન કરવો પડી રહ્યો છે.
વધતી મોંઘવારીમાં પીસાતી જનતા
કોરોના કાળમાં વિશ્વમાં મંદી જેવો માહોલ છે ત્યારે વધતા શાકભાજીના ભાવોએ ગૃહિણીઓની ચિંતા વધારી છે જોવામાં આવે તો ડુંગળી, બટાટા, ટામેટાં, રિંગણ સહિત લીલા શાકભાજીના ભાવમાં પણ વધારો ઝીંકાયો છે. તો બીજી તરફ કઠોર ગણાતા મગ, તૂવેરદાળ, ચણા જેવી કઠોરમાં પણ ભાવ વધારો જોવા મળી રહ્યો છે. શાકભાજીના ભાવ આસમાને આંબી રહ્યા છે
શાકભાજીના ભાવોમાં પણ ધરખમ વધારો
છેલ્લા પાંચ દિવસા ભાવ પર નજર કરવામાં આવે તો ડુંગળીના રૂપિયા 20થી 30 હતા જે વધીને 80 થયા છે તો બટાકા રૂપિયા 30 જૂનો ભાવ હતો તે 40 થી 60 રૂપિયાએ પહોંચ્યો છે.જ્યારે કોથમીર 30 રૂપિયાથી વધીને 120 રૂપિયા, ગવાર 60 થી વધીને 100 રૂપિયા, મરચા 40 થી વધીને 50 રૂપિયા, ચોળી 70થી વધીને 120, ભીંડા 30 થી 40 રૂપિયાથી વધીને 60 રૂપિયા થયો છે. જ્યારે વાલોર 60 રૂપિયાથી વધીને 100 રૂપિયા અને આંદુ, 80 રૂપિયા જ્યારે ટામેટાં 40 રૂપિયાથી વધીને 80 રૂપિયા કિંમતે મળી રહ્યા છે.
ગૃહિણીઓ ચિંતામાં મુકાઈ
જીનવજરૂરી ચીજવસ્તુઓના ભાવમાં ધરખમ વધારો ઝીંકાતા હવે ગૃહિણીઓનું બજેટ ખોરવાય તેવું લાગી રહ્યું છે કેમ કે રસોડામાં વપરાતા શાકભાજીના ભાવમાં વધારો થતા ગૃહિણીઓ ચિંતામાં મુકાઈ ગઈ છે.