ઇલેકટ્રોનિક વોટિંગ મશીન (EVM) ની વિશ્વસનીયતા પર છેલ્લી કેટલીક ચૂંટણીઓમાં કેટલીક પાર્ટીઓ દ્વારા જોરશોરથી સવાલ ઉઠાવામાં આવતા હતા. ચૂંટણીમાં હાર બાદ કેટલાંક વિપક્ષો દ્વારા EVM માં ગડબડી કરવાનો આરોપ લગાવામાં આવતા હતાં. વિપક્ષો દ્વારા જણાવામાં આવતું કે કોઇપણ બટન દબાવાથી મત BJP ને મળે છે.
હવે TMC, BSP સાંસદોએ EVM ની કરી પ્રશંસા
સ્થાનિક ચૂંટણીમાં ઉપયોગ કરવા કરી ભલામણ
પહેલા બેલેટ સિસ્ટમની કરી હતી માંગ
જો કે શંકા એટલી બધી વધી હઇ હતી કે 2019ની લોકસભા ચૂંટણી બેલેટ પેપર દ્વારા કરવાની ડિમાંડ ઉઠી હતી. જો કે સંસદીય સમિતિએ EVMમાં ગડબડીની આશંકાઓને ફગાવી દીધી છે, ખાસ વાત એ છે કે આ સમિતિમાં તૃણમુલ કોંગ્રેસ અને BSP જેવાદળોના સાંસદ પણ સામેલ છે.
કર્મચારી, જાહેર ફરિયાદ, કાયદો અને ન્યાય વિભાગ સાથે જોડાયેલી સમિતિએ પોતાનો રિપોર્ટ શૂક્રવારના રોજ રાજ્યસભામાં રાખ્યો. ગેરકાયદે મતને ખત્મ કરવા અને બેલેટ પેપર સાથે જોડાયેલ વિલંબ અને ભુલોને દુર કરવાને લઇને EVM ની પ્રશંસા કરવામાં આવી છે. એટલું જ નહીં TMC અને BSP ના સાંસદોવાળી આ સમિતિએ સ્થાનિક સંસ્થાઓની ચૂંટણીમાં પણ EVM નો ઉપયોગ કરવાનો પ્રસ્તાવ રાખ્યો છે.
EVM અને VVPATs મજબૂત બનશે મતદારોનો વિશ્વાસ
સંસદીય સમિતિએ રાજ્ય ચૂંટણી પંચોને ભલામણ કરી છે કે મતદાઓની સુવિધા માટે સ્થાનિક સંસ્થાઓની ચૂંટણી પણ EVMs અને VVPATs દ્વારા કરાવામાં આવે. રિપોર્ટની ભલામણ પર કોઇપણ વિપક્ષ દળના સાંસદે વિરોધ દર્શાવ્યો નથી.
આ સમિતિના ચેરમેન ભાજપના સાંસદ ભૂપેન્દ્ર યાદવ છે. સમિતિમાં તૃણમુલ કોંગ્રેસ અને BSP ના સાંસદ પણ સામેલ છે, જેઓએ પહેલા બેલેટ પેપર સિસ્ટમની વાપસીની માગણી કરી હતી. પરંતુ હવે તેઓએ જણાવ્યું છે કે EVM ના કારણે ચૂંટણી પ્રક્રિયા સરળ છે, પરંતુ મતની ગણતરી ઝડપી થાય છે અને મતદાતાઓ માટે પણ સુવિધાજનક છે.