સુપ્રીમ કોર્ટના ચીફ જસ્ટીસ સામે મહિલાએ શારીરિક શોષણનો આક્ષેપ કર્યો હતો. આ મામલે સુપ્રીમ કોર્ટની બેંચે આ અરજી ફગાવી છે. CJI રંજન ગોગોઈ સામે મહિલાએ કેસ કર્યો હતો પરંતુ જજોની પેનલે કહ્યું કે કોઈ સબૂત ન હોવાના કારણે કેસ પડતો મુકાયો છે અને આરોપોને ફગાવ્યા છે.
સુપ્રીમ કોર્ટના CJI રંજન ગોગોઈ સામે એક મહિલાએ શારીરિક શોષણનો આરોપ લગાવ્યો હતો. .આ આરોપને લઈને સુપ્રીમ કોર્ટના ત્રણ જજને પેનલે સુનાવણી કરી હતી અને તમામ પક્ષોને સાંભળ્યા બાદ મહિલાની અરજીને ફગાવી છે.
ત્રણ જજની પેનલના અધ્યક્ષ જસ્ટિસ બોબડે, જસ્ટિસ ઈંદુ મલ્હોત્રા અને જસ્ટિસ ઈંદિરા બેનરજી હતા. આ તમામ બેંચે તમામ દલીલો સાંભળીને આરોપોને ફગાવ્યા હતા. સુપ્રીમ કોર્ટના સેક્રેટરી જનરલ અને સુપ્રીમને આંતરિક સમિતિએ આ મામલે રિપોર્ટ 5 મેએ સોંપ્યો હતો.
CJI gets clean chit from judges panel in the sexual harassment complaint
ઉલ્લેખનિય છે કે, રંજન ગોગોઈએ પોતાના સામે કાવતરુ કરાઈ રહ્યા હોવાનો આરોપ મુક્યો હતો અને તેમણે કહ્યું હતુ કે, બિઝનેસ મેનના કહેવા પર આ મહિલા તેમના પર આરોપ લગાવી રહ્યા છે.
તેમ છતા ત્રણ જજની બેચે નિર્ણય કર્યો હતો કે આ કેસમાં તમામ પાસા જોવામાં આવશે. અને બાદમાં જ નિર્ણય લેવાશે . આજે આ મામલે આંતરિક સમિતિએ રિપોર્ટ આપ્યો હતો આ રિપોર્ટને જાહેર કરાયો ન હતો.
પરંતુ CJI સામે કોઈ સબૂત ન મળવાના કારણે આ કેસની અરજી ફગાવી દેવાઈ છે. આ મામલે મહિલાએ પહેલા કહ્યુ હતુ કે તેમને ન્યાયની અપેક્ષા નથી. પરંતુ આ કેસમાં પુરાવાના અભાવે કેસ પડતો મુકાયો છે અને જસ્ટિસ રંજન ગોગોઈને ક્લીનચીટ આપવામાં આવી છે.