ચેતી જજો / હવે તો વિશ્વનો સૌથી ઠંડો પ્રદેશ પણ ઠંડો નથી રહ્યો, UNની સંસ્થાએ કહ્યું આ ગંભીર સંકટના છે એંધાણ

• વિશ્વનો સૌથી ઠંડો વિસ્તાર પણ હવે ઠંડો રહ્યો નથી
• આર્કટીકમાં મહત્તમ તાપમાનનો રેકોર્ડ 38 ડિગ્રી સેલ્સિયસ
• સંયુક્ત રાષ્ટ્રની સંસ્થાએ ચિંતા દર્શાવી કરી આ વાત

આર્કટીકમાં મહત્તમ તાપમાનનો રેકોર્ડ તૂટ્યો

WMOએ પોતાના નિવેદનમાં કહ્યું છે કે ગયા વર્ષે જૂનમાં સાઇબેરિયાના વર્ખોયાન્સ્કમાં પારો મહત્તમ 38 ડિગ્રી સેલ્સિયસ પહોંચી ગયો હતો. આ અહીં ચાલી રહેલ હીટવેવનું ઉચ્ચ સ્તર હતુ. આખા વિસ્તારમાં ગરમીનો પારો સરેરાશ 10 ડિગ્રી સેલ્સિયસ વધુ ચાલી રહ્યો હતો. આ એક એવી ઘટના છે, જે આખા વિસ્તારમાં શિયાળાને ખત્મ કરી નાખે. અહીંની ઈકોસિસ્ટમ ખત્મ થઇ જશે. વધી રહેલી ગરમીના કારણે લોકો અને જીવજંતુઓની મુશ્કેલીઓ વધી જશે.

આ બધુ થવા પાછળનું કારણ જળવાયુ પરિવર્તન

WMOના સેક્રેટરી જનરલ પેટેરી તાલસે કહ્યું કે આ જળવાયુ પરિવર્તનના કારણે થઇ રહ્યું છે. આપણે તાત્કાલિક કઈક કરવુ પડશે. જો પૃથ્વીના કોઈ પણ ભાગનું તાપમાન બદલાય છે તો તેની અસર આખી દુનિયા પર પડે છે.  તેથી જો અહીંનુ તાપમાન પણ આ રીતે વધે છે તો અહીંના લોકોની જીવનશૈલી બદલાશે, બિમારીઓ આવશે, રોજગાર જતા રહેશે અને કોઈએ ધારી નહીં હોય તેવી સમસ્યાઓનો સામનો કરવો પડશે.

આર્કટિકમાં ગયા વર્ષે જંગલોમાં લાગી હતી આગ 

પેટેરી તાલસે કહ્યું કે  મહત્તમ તાપમાનનો વિસ્તાર ભૂ-મધ્યસાગરવાળો હોઈ શકે છે. આ હવામાન ત્યાં સારું લાગે છે. પરંતુ આ આર્કટિક માટે ખતરનાક છે. જેનાથી નુકસાન થશે. આર્કટિકમાં ગયા વર્ષે તાપમાન વધવાનું એક કારણ આર્કટિકના જંગલોમાં લાગેલી આગ પણ છે. જેનાથી મોટાભાગનો વિસ્તાર બળીને ખાખ થયો. તાપમાનમાં વધારો થયો અને ધૂમાડાના વાદળા આખુ વર્ષ છવાયેલા રહ્યાં. એક એજન્સી મુજબ, સાઇબેરિયાના જંગલમાં લાગેલી આગના કારણે 4.60 કરોડ એકર જમીન બળીને ખાખ થઇ ગઇ. આ આગનો ધૂમાડો ઉત્તર ધ્રુવ સુધી ગયો. વર્ખોયાન્સક આર્કટિક સર્કલથી 115 કિલોમીટર દૂર છે. અહીં રહેલા હવામાન વિભાગનું કેન્દ્ર 1885થી અહીંનુ તાપમાન નોંધી રહ્યાં છે. સતત વધી રહેલા તાપમાનના કારણે અહીં નવુ કેન્દ્ર બનાવવુ પડ્યુ. જેના કારણે એક્સ્ટ્રીમ વેધરની ગણતરી કરી શકાય. 

વૈશ્વિક તાપમાનની એવરેજથી ડબલ ગરમ થયુ તાપમાન 

આર્કટીકનું તાપમાન વૈશ્વિક તાપમાનની એવરેજથી ડબલ ગરમ થઇ રહ્યું છે. જેના કારણે ત્યાં  જૉમ્બી ફાયર જોવા મળી રહ્યું છે. આર્કટીકમાં કાર્બન રિચ પીટનો જમાવડો થયો છે. જે આગ ઝડપથી પકડે છે. જેની ગરમીથી આર્કટીકના મોટા બરફની પરત તૂટી રહી છે. પર્માફ્રોસ્ટ પિગળી રહ્યું છે. જે પિગળી જવાથી ઘણાં પ્રાચીન બેક્ટેરીયા અને વાયરસ બહાર નિકળી જશે. આ વધુ બિમારીઓને આમંત્રણ આપી શકે છે.