શું તમે ક્યારેય એવી નદી જોઈ છે, જેનું પાણી હંમેશા ઉકળતુ રહે છે. આમ તો ભારતમાં પણ આવા પ્રકારની નદીઓ છે. જેનું પાણી ગરમ હોય છે. પરંતુ આજે અમે તમને એવી ગુપ્ત નદી અંગે જણાવવા જઇ રહ્યાં છે, જેનું પાણી હંમેશા ઉકળતુ રહે છે. આ નદીને ધ બોયલિંગ રીવરના નામથી ઓળખવામાં આવે છે.
સાઉથ અમેરિકાના પેરૂમાં આવેલી છે ધ બોયલિંગ રીવર
આ નદીનું પાણી 24 કલાક હોય છે ઉકળેલું
નદીમાં જે પ્રાણી જાય છે તેનું થાય છે મોત
આ નદીનું પાણી 24 કલાક ઉકળેલુ હોય છે
આ રહસ્યમય નદી ઘણાં રહસ્યો છુપાઈને બેઠી છે અને વૈજ્ઞાનિકો આ રહસ્યોને ઉકેલવાના શક્ય પ્રયાસ કરી રહ્યાં છે. આ નદીના વણઉકેલ્યાં રહસ્યોને ઉકેલવા માટે વૈજ્ઞાનિકોનું સંશોધન હજી પણ ચાલુ છે. અમને સંપૂર્ણ વિશ્વાસ છે કે વૈજ્ઞાનિક થોડા દિવસમાં ધ બોયલિંગ રીવરના રહસ્યને વિશ્વની સામે લઇને આવશે. આ નદી સાઉથ અમેરિકાના પેરૂમાં આવેલી છે, જેનું પાણી 24 કલાક ઉકળેલુ હોય છે. આ નદી આશરે 7 કિલોમીટર લાંબી હોય છે. એક પોઈન્ટ સુધી આ નદી 80 ફૂટ પહોળી છે તો તેની ઉંડાઈ 16 ફૂટ સુધી છે. સૌથી ચોંકાવનારી વાત એ છે કે આ નદીની આજુબાજુ કોઈ જ્વાળામુખી નથી. તેથી નદીમાં ઉકળી રહેલા પાણીની પાછળ કોઈ લાવા અથવા જ્વાળામુખી જવાબદાર નથી. આ કુદરતી ગરમ નદી છે, તેથી વૈજ્ઞાનિક આ નદીને વિશ્વની સૌથી મોટી થર્મલ નદી માને છે.
પેરૂની આ રહસ્યમય નદીની શોધ
આ નદીની શોધ ભૂવૈજ્ઞાનિક આંદ્રે રૂજોએ વર્ષ 2011માં કર્યુ હતુ. અમેજોન ફોરેસ્ટનો હિસ્સો પેરૂ સાથે જોડાયેલો છે. આ પેરૂમાં આ રહસ્યમય નદી એટલેકે ધ બોયલિંગ રિવર સ્થિત છે. પેરૂ દક્ષિણ અમેરિકા મહાદ્વિપમાં સ્થિત એક દેશ છે. જો અમેજોન ફોરેસ્ટની વાત કરીએ તો પેરૂમાં તેનો 13 ટકા ભાગ આવે છે. જેમાં ધ બોયલિંગ રિવર સ્થિત છે.
પાણીમાં પગ રાખતા થઇ જાય છે મોત
એક રિપોર્ટ મુજબ, અમેજોન જંગલની વચ્ચે આ નદીમાં સોલ્ટ રીવર અને હાર્ટ રીવર નામની બે નદીઓ મળે છે. જે લંબાઈમાં બોઈલિંગ રીવરથી ખૂબ નાની છે. નાસ ડેલી નામની યુ-ટ્યુબ ચેનલ મુજબ પાણીનું તાપમાન 90 ડિગ્રી સેન્ટીગ્રેડથી પણ વધારે પહોંચી જાય છે. ચોંકાવનારી વાત એ છે કે ઉકળતા પાણીને કારણે તેમાં જે પ્રાણી પડે છે તેનુ મોત થાય છે. માણસો માટે તેમાં ચાલવુ મુશ્કેલ છે, કારણકે ગરમ પાણીથી પગમાં ફોલ્લા પડી જાય છે.