આ મામલામાં રાહુલના વીડિયો વાયરલ થતા એક્સાઇઝ એન્ડ ટેક્સેશન ડિપાર્ટમેન્ટમાં CGSTમાં સેક્શન 11ના ઉલ્લંઘન પર JW Marriott હોટલને 25000 રૂપિયાનું દંડ ફટકારવામાં આવ્યો છે. આ હોટેલે રાહુલને બે કેળા માટે વધુ પૈસા ચાર્જ કર્યા તે બદલ આ પેનલ્ટી ભરવાની રહેશે.
Fine of Rs 25,000 imposed on hotel JW Marriott by Excise and Taxation Department, Chandigarh for violation of section 11 of CGST (illegal collection of tax on an exempted item) in connection with actor Rahul Bose's tweet over the price of two bananas served to him by the hotel.
વાસ્તવમાં મામલો એવો હતો કે તાજેતરમાં એક્ટર રાહુલ બોસ ચંદીગઢમાં કોઇ ફિલ્મનું શૂટિંગ કરવા માટે પહોંચ્યા હતા. આ દરમિયાન રાહુલ શહેરની એક હોટલમાં રોકાયો, જ્યારે રાહુલે એક બિલ જોઇને ચોંકી ગયો હતો. રાહુલ બોસે સોશ્યલ મીડિયા પર એક વીડિયો શૅર કરતા જણાવ્યુ કે આલિશાન હોટલમાં 2 કેળાની કિંમત 442 રૂપિયા હોય છે.
આ વીડિયો વાયરલ થયા પછી મામલાની ગંભીરતાી લેતા ચંદીગઢના ડેપ્યુટી કમિશ્નર તથા ટેક્સ કમિશ્નર મનદિપ સિંહ બરારે J W Marriottની વિરુદ્ઘ એક્શન લેવાનું પણ જણાવ્યું હતું.
કડક પગલાં:
ડ્યુટી એક્સાઇઝ એન્ડ ટેક્સેશન ડિપાર્ટમેન્ટની ટીમે હોટેલના વેચાણ સંબંધિત તમામ ડોક્યુમેન્ટ્સ સીઝ કરી દીધા છે. ટીમ તમામ ડોક્યુમેન્ટ્સ ચેક કરશે કે તેઓ યોગ્ય ટેક્સ ચાર્જ કરતા હતા કે નહીં. ઓફિસરે જણાવ્યું કે, અમે આ ઉલ્લંઘનનું દરેક એન્ગલથી ચેકિંગ કરી રહ્યા છીએ અને હોટેલ ઓથોરિટી વિરુદ્ધ કડક પગલાં લેવામાં આવશે.
ટીમે એવું પણ જણાવ્યું કે, ફ્રેશ ફ્રૂટ ટેક્સ ફ્રી આઇટમ્સ હેઠળ આવે છે અને હોટેલે આ નિયમ તોડ્યો છે. આસિસ્ટન્ટ એક્સાઇઝ એન્ડ ટેક્સેશન કમિશ્નર આરકે ચૌધરીએ જણાવ્યું કે, તેની ટીમે હોટેલ ઓથોરિટીને વધુ ભાવના ફ્રૂટ બાબતે રિપ્લાય આપવા કહ્યું છે.
રાહુલે ફાઈવ સ્ટાર હોટેલના રૂમમાં બે કેળાં ઓર્ડર કર્યા હતા જેનું બિલ GST સાથે 442.50 રૂપિયા હતું. તેણે વીડિયો શેર કરતાં લખ્યું હતું કે, ‘તમારે વિશ્વાસ કરવા માટે આ જોવું જોઈએ. કોણ કહે છે કે ફળ તમારી હયાતી માટે નુકસાનકારક નથી?’ વીડિયોમાં તેણે જણાવ્યું હતું કે, ‘હું આ ફાઈવ સ્ટાર હોટેલમાં રોકાયો છું જ્યાં તેઓ ચોકલેટ કૂકીઝ જેવી ઘણી વસ્તુઓ ફ્રીમાં આપે છે. પણ હું જીમમાં હતો ત્યારે મેં બે કેળાં ઓર્ડર કર્યા. હોટેલ સ્ટાફે મને કેળાં આપ્યા છે અને આ છે તેનું બિલ.’