ચંદીગઢ બાદ હવે કાનપુરની હોસ્ટેલમાં પણ એક કર્મચારીએ અશ્લીલ વીડિયો બનાવ્યાની ઘટના સામે આવી છે
ચંડીગઢ જેવી ઘટના કાનપુરમાં જોવા મળી
હોસ્ટેલનો કર્મચારી બનાવતો અશ્લીલ વિડીયો
કર્મચારીની પોલીસે ધરપકડ કરી હતી
ચંદીગઢ બાદ હવે કાનપુરની હોસ્ટેલમાં પણ એક કર્મચારીએ અશ્લીલ વીડિયો બનાવ્યાની ઘટના સામે આવી છે. રાવતપુર પોલીસ સ્ટેશન વિસ્તાર હેઠળના કાકાદેવ ખાતેની સાંઈ નિવાસ ગર્લ્સ હોસ્ટેલની વિદ્યાર્થીનીઓએ સ્ટાફ પર અશ્લીલ વીડિયો બનાવવાનો આરોપ લગાવ્યો છે. આ પછી, વિદ્યાર્થીઓએ ત્યાં હંગામો મચાવ્યો હતો.
કર્મચારીની ધરપકડ કરવામાં આવી
આ કેસમાં પોલીસે આરોપી કર્મચારીની ધરપકડ કરી ગુનો નોંધ્યો છે. તેમજ પોલીસે આરોપીનો મોબાઈલ ફોરેન્સીક તપાસ માટે મોકલી આપ્યો છે. જાણકારી અનુસાર હોસ્ટેલમાં કામ કરતા કર્મચારીના મોબાઇલમાં વિદ્યાર્થીઓના અશ્લીલ વીડિયો મળી આવ્યા હતા. હોસ્ટેલના વિદ્યાર્થીઓએ આરોપ લગાવ્યો છે કે, કર્મચારી સ્નાન કરતી વખતે સ્કાયલાઇટથી વીડિયો બનાવતો હતો.
ચંડીગઢમાં 60 વિદ્યાર્થીનીઓના વિડીયો બનાવ્યા હતા
આ પહેલા પંજાબના મોહાલીની ચંદીગઢ યુનિવર્સિટીમાં અભ્યાસ કરતા એક વિદ્યાર્થીનીએ 60 જેટલા વિદ્યાર્થીનીઓનો નહાતો વીડિયો બનાવ્યો હતો. તેણે આ વીડિયો સિમલામાં રહેતા પોતાના મિત્રને મોકલ્યા હતા, જેણે સોશિયલ મીડિયા પર વાયરલ કર્યા હતા. આ મામલો સામે આવ્યા બાદ ચંદીગઢ યુનિવર્સિટીમાં વિદ્યાર્થીઓ દ્વારા જબરદસ્ત હંગામો અને વિરોધ કરવામાં આવ્યો હતો.