1 જાન્યુઆરીથી GSTના નિયમ બદલાતા હોવાને કારણે ઓનલાઈન ખાવાનું મંગાવવું અને કપડા ખરીદવા થશે મોંઘા થશે.
1 જાન્યુઆરીથી GSTનિયમમાં ફેરફાર
તૈયાર કપડા પર લાગશે 12 ટકા જીએસટી
ફૂટવેર અને ઓનલાઈન ફૂડ ઓર્ડર પર 5 ટકાને બદલે લાગશે 12 ટકા જીએસટી
જો નવા કપડા અને જૂતા ખરીદવાનો તમારો પ્લાન હોય તો આ કામ 1 જાન્યુઆરી 2022 પહેલા કરી લેશો તો ફાયદામાં રહેશો કારણ કે 1 જાન્યુઆરી બાદ ફૂટવેર અને ટેકસટાઈલ પ્રોડક્ટ્સ માટે જીએસટીના દરમા વધારો થવાનો છે. પહેલા આ વસ્તુઓ પર 5 ટકા જીએસટી લાગતો હતો જે હવે વધીને 12 ટકા થઈ જશે.
1 જાન્યુઆરી, 2022થી જીએસટીમાં રેટ વધશે
ગુડ્સ એન્ડ સર્વિસ ટેક્સ (જીએસટી) સિસ્ટમમાં 1 જાન્યુઆરી, 2022થી મોટા ફેરફારો થવાની તૈયારીમાં છે. તેમાં રેસ્ટોરન્ટ ક્ષેત્રમાં પૂરી પાડવામાં આવતી પરિવહન અને સેવાઓ પર ઇ-કોમર્સ સર્વિસ ઓપરેટરો પર કર જવાબદારીનો સમાવેશ થાય છે. આ ઉપરાંત ફૂટવેર અને ટેક્સટાઇલ સેક્ટરમાં ડ્યુટી સ્ટ્રક્ચરમાં પણ ફેરફાર 1 જાન્યુઆરી, 2022થી અમલમાં આવશે, જેમાં તમામ પ્રકારના ફૂટવેર પર 12 ટકા જીએસટી લાગશે, જ્યારે રેડીમેડ ગાર્મેન્ટ્સ સહિત તમામ ટેક્સટાઇલ પ્રોડક્ટ્સ (કોટન સિવાય) 12 ટકા જીએસટી લાગશે.
રિક્ષા ડ્રાઇવરો પર 5 ટકા જીએસટી, જાણો ક્યારે લાગશે
રિક્ષા ડ્રાઇવરોને મેન્યુઅલ મોડ અથવા ઓફલાઇનમાં પરિવહન સેવાઓમાંથી મુક્તિ મળતી રહેશે પરંતુ તેઓ જ્યારે આ સેવાઓ ઈ કોમર્સ પ્લેટફોર્મ પરથી લેશે ત્યારે તેમણે 5 ટકા જીએસટી ચુકવવો પડશે.
1 જાન્યુઆરીથી ઓનલાઇન ફૂડ મોંઘા બનશે
1 જાન્યુઆરીથી ઓનલાઇન ખાવાનું મંગાવવું પણ મોંઘું થઈ રહ્યું છે. નવા ફેરફારો બાદ ફૂડ ડિલિવરી પ્લેટફોર્મ સ્વિગી અને ઝોમેટો જેવા ઇ-કોમર્સ સર્વિસ પ્રોવાઇડર્સ ની જવાબદારી રહેશે કે તેઓ દ્વારા આપવામાં આવતી રેસ્ટોરન્ટ સેવાઓના બદલામાં જીએસટી એકત્રિત કરે અને તેને સરકાર પાસે જમા કરે. તેમણે આવી સેવાઓના બદલામાં બિલ પણ જારી કરવા પડશે. આનાથી ગ્રાહકો પર કોઈ વધારાનો બોજો નહીં પડે કારણ કે રેસ્ટોરન્ટ્સ પહેલેથી જ જીએસટીની આવક એકત્રિત કરી રહી છે. એક માત્ર ફેરફાર એ છે કે કર જમા કરવાની અને બિલ જારી કરવાની જવાબદારી હવે ફૂડ ડિલિવરી પ્લેટફોર્મ પર સ્થળાંતરિત થઈ ગઈ છે.