કાર્યવાહિ / વડોદરાની હોસ્પિટલોએ પાર્કિંગની જગ્યામાં ઊભા કર્યા કેન્ટીન અને વેઈટિંગ એરિયા, ટ્રાફિક જામની સમસ્યા થતાં તંત્ર આવ્યું એક્શનમાં

• વડોદરાની 74 હોસ્પિટલને નોટિસ 
• હોસ્પિટલમાં પાર્કિંગની નથી કરાઈ વ્યવસ્થા
• નિયમો નેવે મૂકી બાંધકામ કરતા નોટિસ
• પાર્કિંગની જગ્યામાં અન્ય સુવિધા ઉભી કરી

વડોદરા શહેરમાં આવેલી નામાંકિત 74 હોસ્પિટલને કોર્પોરેશન દ્વારા નોટીસ આપવામાં આવી છે. ત્યારે હોસ્પિટલનાં સંચાલકો દ્વારા GDCR ના નિયમો નેવે મુકી બાંધકામ કરવામાં આવતા તેઓને નોટિસ ફટકારવામાં આવી છે. હોસ્પિટલ સંચાલકો દ્વારા નિયમ મુજબનું પાર્કિંહ રાખવામાં આવ્યું નથી. તેમજ પાર્કિંગની સુવિધા ન હોવાથી હોસ્પિટલને નોટિસ પણ ફટકારવામાં આવી છે.

રોડ પર વાહન પાર્ક થતા  ટ્રાફિક જામથી લોકો હેરાન પરેશાન થઈ રહ્યા
ત્યારે પાર્કિગની જગ્યામાં રિસેપ્શન, કેન્ટિન અને દર્દીનાં સગાને બેસવાની વ્યવસ્થા ઉભી કરી દેવામાં આવી છે.  પાર્કિંગ ન હોવાના કારણે લોકો રોડ પર વાહન પાર્ક કરે છે. રોડ પર વાહન પાર્ક થતા  ટ્રાફિક જામથી લોકો હેરાન પરેશાન થઈ રહ્યા છે. ત્યારે હોસ્પિટલ સંચાલકોને નોટિસ ફટકારવામાં આવતા દોડધામ મચી જવા પામી હતી. ત્યારે આ બાબતે વડોદરાના VIP રોડ પર VTV NEWSએ કર્યું રિયાલિટી ચેક કર્યું હતું. જેમાં વડોદરા શહેરમાં આવેલી પ્રણાયામ, સુકન અને દ્વારકેશ હોસ્પિટલમાં પાર્કિંગની સુવિધા નથી.

વેરો ભરવામાં ન આવે તો સીલ મારવામાં આવે છે, તો હોસ્પિટલને માત્ર નોટીસ આપીઃરહીશ
આ બાબતે રહીશ કમલેશભાઈએ જણાવ્યું હતું કે કાયદો તો માત્ર ગરીબ અને સામાન્ય નાગરિક માટે જ છે.  ત્યારે તમે જોઈ શકો છો કે વીઆઈપી રોડ પર જે ફુટપાથ બનાવવામાં આવ્યો છે. તે પણ આજે દેખાતો નથી. તેમજ હોસ્પિટલ આગળ પણ વાહનો બહાર રોડ પર જ પાર્ક કરવામાં આવી રહ્યા છે. ત્યારે આજે વડોદરા શહેરનું ટ્રાફિક તંત્ર સાથે સાથે વડોદરા શહેર કોર્પોરેશન તંત્ર પણ ટ્રાફિકની સમસ્યા નિવારવામાં નિષ્ફળ ગયું છે. ત્યારે જે હોસ્પિટલોમાં પાર્કીંગની વ્યવસ્થા નથી. તેવી હોસ્પિટલોને સીલ મારવું જોઈએ. ત્યારે સામાન્ય નાગરિક દ્વારા જો વેરો ભરવામાં ન આવે તો સીલ મારી દેવામાં આવે છે.  ત્યારે વડોદરા કોર્પોરેશન માત્ર હોસ્પિટલને નોટિસ ફટકારીને જ સંતોષ માની રહી છે. હોસ્પિટલોને પણ સીલ મારવામાં આવે તેવી પ્રજાની માંગ છે.