કૌભાંડ / ગુજરાતની આ હોસ્પિટલમાં દર્દીઓની ઉઘાડી લૂંટ, બિલ આપે છે હજારોમાં

પરંતુ જો તમે  આણંદ જિલ્લાના તારાપુર ખાતે આવેલા સીએચસી સેન્ટરની મુલાકાત લેશો તો તમારી  આ માન્યતાનો છેદ ઉડી જશે અને સરકારી દાવાઓની  પોકળતા ઊઘાડી પડી જશે. જોઈએ દર્દીઓ પાસેથી સરિયામ લૂંટ કરતી એક સરકારી હોસ્પિટલનો આ અહેવાલ. 

ગરીબ દર્દીઓ માટે એક માત્ર જીવનની આશા સરકારી હોસ્પિટલો પર ટકેલી હોય છે. કેમકે, જ્યાં બે છેડા ભેગા કરવામાં જ રોજની કમાણી રોજ ખર્ચાઈ જતી હોય ત્યા વળી જીવનદાયિની સારવાર માટે પૈસા લાવવા ક્યાંથી? 

આ સ્થિતિમાં ગરીબ દર્દીઓ સરકારી હોસ્પિટલના બિછાને જીવનને ટકાવવા મથતા હોય છે. પરંતુ  સરકારી હોસ્પિટલમાં ફરજ બજાવતા કેટલાક ડોક્ટર મહાશયોને તો અહીં આવતા દર્દીઓ જાણે પૈસા ઉછેટી લેવા માટેના મજબૂર પાત્રો જ લાગતા હોય છે. 

આણંદ જિલ્લાના તારાપુર  સ્થિત સીએચસી સેન્ટર આવેલ. અહીં ડોક્ટોરો દર્દીઓ પાસેથી બેફામ લૂંટ ચલાવી રહ્યા છે. ડોક્ટરો દર્દીઓને હોસ્પિટરમાંથી દવા અપાવવાના બદલે બહારથી લખી આપે છે. આ હોસ્પિટલમાં દાખલ થયેલા દર્દીઓ પાસેથી બહારથી દવા લાવવાના બહાને હજારો રૂપિયા વસૂલવામાં આવે છે. .દર્દીઓ જ્યાં સુધી એનેસ્થિસિયાની વ્યવસ્થા બહારથી ન કરે ત્યાં સુધી ઓપરેશન અટકાવી રાખવામાં આવે છે. દર્દીઓ જ્યાં સુધી પૈસા ન આપે ત્યાં સુધી તેમને સારવારથી વંચિત રાખવામાં આવી રહ્યા છે. આ  વાત અમે નહીં ખુદ દર્દીઓ કહી રહ્યા છે. 

ઉલ્લેખનીય છે કે, સરકાર ગરીબ દર્દીઓના આરોગ્યના રક્ષણ માટે ગામડાઓથી માંડીને મહાનગરો સુધી વિવિધ યોજનાઓ ચલાવે છે. પ્રત્યેક વ્યક્તિ સુધી આરોગ્ય લક્ષી સુવિધા મળે તે માટે આયુષ્યમાન ભારત જેવી ભગિરથ યોજના પણ અમલમાં મૂકી છે. 

આ યોજનાઓ કેટલાક ભ્રષ્ટ ડોક્ટરો અને હોસ્પિટલતંત્રના મલિન વહિવટના કારણે ગરીબો સુધી પહોંચતી નથી. ગરીબ દર્દીઓના આરોગ્યનું રક્ષણ કરવા માટે ઊભું કરાયેલું તંત્ર જ દર્દીઓનું જાણે ભક્ષણ કરી રહ્યું છે. જે સારવાર વિનામૂલ્યે કરવાની હોય છે તે માટે તારાપુર પીએસસીના ડોક્ટરો અને વહીવટી તંત્ર બેરહેમ બની દર્દીઓ પાસેથી પૈસા લૂંટી રહ્યા છે.

તારાપુર સીએચસી કેન્દ્ર એટલે કે સરકારી હોસ્પિટલના ડોક્ટર દર્દીઓની સારવારમાં લાલિયાવાડીતો ચલાવી જ રહ્યા છે સાથે દવાનું  પ્રિક્રિપ્શન પણ સાવા સામાન્ય કાગળ પર લખીને આપે છે. બહારથી જે દવા દર્દીઓ લાવે છે તેને પણ ડોક્ટરના ઈશારે પાકુ બિલ આપવામાં આવતું નથી.

એટલું જ નહીં ડોક્ટર દ્વારા એવા મેડિકલ સ્ટોર પાસેથી દવા લેવાનું કહેવામાં આવે છે જ્યાં ડોક્ટરનું હિત જોડાયેલું હોય છે. તો આ તરફ મેડિકલ સ્ટોરમાં જવાબદાર ફાર્માસિસ્ટ નહીં કોઈ સામાન્ય વ્યક્તિ જ દર્દીઓને દવા આપી રહ્યા છે.  

હોસ્પિટલમાં ચાલતી આ પ્રકારી ગેરરીતિ અંગે જ્યારે જાગૃત નાગરિકો દ્વારા સીએચસીના મેડિકલ ઓફિસરનો  સંપર્ક કર્યો તો  મેડિકલ ઓફિસરે જવાબ આપવાનું ટાળ્યું. 

મેડિકલ ઓફિસર જવાબ આપવાના બદલે કેમરાથી દૂર ભાગતા રહ્યા. અરજદારે અનેક વિનંતી કરી. ગરીબ દર્દીઓ પાસેથી લેવાતા પૈસા અંગે ખુલાસા માગ્યા પરંતુ મેડિકલ ઓફિસરે એક હરફ સુદ્ધા ન ઉચાર્યો. સવાલ એ થાય છે કે સરકારી હોસ્પિટલમાં દર્દીઓની થતી ઊઘાડી લૂંટ  કોની રહેમનજર હેઠળ થઈ રહી હશે?