મહામંથન / વાવાઝોડામાં 53 હજાર હેક્ટરમાં બાગાયતી પાકને નુકસાન ખેડૂતોની માંગ શું છે? પ્રાથમિક સરવેની સ્થિતિ શું?

બિપરજોય વાવાઝોડાની અસરથી થયેલા વરસાદ અને તેને લીધે થયેલા પાક નુકસાનની. બિપરજોય વાવાઝોડાની અસર બાદ જે વરસાદ થયો તેમાં કૃષિ પાકની સાથે-સાથે બાગાયતી પાકનો પણ જાણે કે સોથ વળી ગયો. સરકારી અંદાજને સાચો માનીએ તો 82 હજાર હેક્ટર વિસ્તારમાંથી 53 હજાર હેક્ટર વિસ્તારમાં બાગાયતી પાકને અસર થઈ છે. સરકારે હંમેશની જેમ સરવે માટે ટીમ બનાવવાની અને રિપોર્ટમાં યોગ્ય જણાય તો સહાય આપવાની જાહેરાત તો કરી દીધી પણ સવાલ એ છે કે બાગાયતી પાક લેતા ખેડૂતો ખરેખર શું ઈચ્છે છે.. 53 હજાર હેક્ટર જેટલા વિસ્તારમાં નુકસાની છે અને 14 હજારથી વધુ ફળ પાકના ઝાડ પડી ગયા છે તો આટલી નુકસાનીની ભરપાઈ થઈ શકશે ખરી. શું સરકારના રિપોર્ટમાં આ નુકસાની SDRFના નિયમોમાં યોગ્ય જણાશે ખરી.

વાવાઝોડાથી બાગાયતી પાક ધોવાયો

• પ્રભાવિત જિલ્લાના 82 હજાર હેક્ટર વિસ્તારમાં બાગાયતી પાક થાય છે
• 53 હજાર હેક્ટર બાગાયતી પાકના વિસ્તારમાં નુકસાન થયું
• 14 હજાર 887 જેટલા ફળ પાકના ઝાડ ઢળી પડ્યાનો અંદાજ
• નુકસાનીના સરવે માટે ટીમ બનાવાઈ છે
• નુકસાનીનો સરવે કરીને ટીમ પોતાનો રિપોર્ટ આપશે
• રિપોર્ટ બાદ SDRFના નિયમ મુજબ સહાય મળવાપાત્ર થશે

રાજ્ય સરકારે શું કહ્યું?
પ્રભાવિત જીલ્લાનાં 82 હજાર હેક્ટર વિસ્તારમાં બાગાયતી પાક થાય છે.  53 હજાર હેક્ટર બાગાયતી પાકનાં વિસ્તારમાં નુકશાન થયું છે. 14 હજાર 887 જેટલા ફળ પાકનાં ઝાડ ઢળી પડ્યાનો અંદાજ છે.  નુકશાનીનાં સર્વે માટે ટીમ બનાવાઈ છે. નુકશાનીનો સર્વે કરીને ટીમ પોતાનો રિપોર્ટ આપશે. રિપોર્ટ બાદ SDRF  ના નિયમ મુજબ સહાલ મળવાપાત્ર થશે.