સાઉદી અરબમાં એક મોટી દૂર્ઘટના સામે આવી છે. જેમાં એક બસ ખોદકામ કરતા મશીન સાથે ટકરાઇ છે. જેમાં બસમાં સવાર 35 વિદેશીઓના મોત નિપજ્યાં છે.
મદીનાથી 170 કિલોમીટર દૂર થયો અકસ્માત
લોડર મશીન સાથે બસ ટકરાતાં 35નાં મોત
બસમાં એશિયન અને અરબ મૂળના લોકો હતા સવાર
35 તીર્થ યાત્રીઓના મોત નિપજ્યાં
સાઉદીની મીડિયા એજન્સીએ એક પોલીસ પ્રવક્તના હવાલેથી જણાવ્યું છે કે બુધવારના રોજ એક ખોદકામ કરતા મશીન સાથે બસની ટક્કર થઇ જેમાં સાઉદી અરબમાં 35 તીર્થયાત્રીઓના મોત નિપજ્યાં છે.
બસમાં એશિયન અને અરબમૂળના લોકો હતા સવાર
આ દૂર્ઘટના મદીનાથી 170 કિલોમીટર દૂર હિજરા રોડ પર અલ-અખલ ગામ પાસે સાંજે સાત કલાકની આસપાસ 39 યાત્રીઓને લઇને જઇ રહેલી ખાનગી બસ એક લોડર સાથે ટકરાઇ હતી. ઇજાગ્રસ્તોને અલ-હમના હોસ્પિટલમાં સારવાર અર્થે ખસેડવામાં આવ્યાં છે. બસમાં જે લોકો સવાર હતા તેઓ એશિયન અને અરબ મૂળના હતા.
અગાઉ 36ના મોતના આવ્યાં હતા સમાચાર
જો કે આ અગાઉ મીડિયા રિપોર્ટમાં સ્થાનિક સ્વાસ્થ્યના અધિકારીના હવાલેથી જણાવામાં આવ્યું હતું કે આ દૂર્ઘટનામાં 36 લોકોનાં મોત નિપજ્યાં છે. આ દૂર્ઘટનાને લઇને સાઉદી રેડ ક્રિસેન્ટ ઑથોરિટી અને અન્ય ઇમરજન્સી સેવા ઘટનાસ્થળ પર હતી.
35 foreigners dead as bus crashes with excavator in Saudi Arabia, reports AFP quoting state media pic.twitter.com/GovAtj4mR0