અકસ્માત / ટ્રકની પાછળ ઘૂસી કાર, આર્મી જવાન અને પત્નીનું માથું ધડથી અલગ થઈ ગયું, ગુજરાતમાં રહે છે પરિવાર

• અકસ્માતમાં આર્મી જવાન, તેની પત્ની અને સાસુનું મોત થયું
• મોડી રાત્રે એક કાર આગળ વધી રહેલી ટ્રક સાથે અથડાઈ હતી
• ટ્રક ડ્રાઈવરે અચાનક ટ્રકની સ્પીડ ધીમી કરી

રાજસ્થાનના પાલીમાં મોડી રાત્રે એક ભયાનક માર્ગ અકસ્માત સર્જાયો હતો. પાલી જિલ્લાના સોજાત પોલીસ સ્ટેશન વિસ્તારમાં શુક્રવારે મોડી રાત્રે એક કાર આગળ વધી રહેલી ટ્રક સાથે અથડાઈ હતી.  જણાવી દઈએ કે આ અકસ્માતમાં આર્મી જવાન, તેની પત્ની અને સાસુનું મોત થયું હતું. સાથે જ કારમાંથી ત્રણેયના મૃતદેહો ખરાબ હાલતમાં મળી આવ્યા હતા. અકસ્માત એટલો ભયાનક હતો કે કારની છત ગાયબ જ થઈ ગઈ. 

પાલી જિલ્લાના સોજાત પોલીસ સ્ટેશન વિસ્તારમાં શુક્રવારે મોડી રાત્રે થયેલ એ અકસ્માત વિશે પોલીસે માહિતી આપતા જણાવ્યું હતું કે જવાન અને તેનો પરિવાર કારની સીટ પર બેઠો હતો અને અકસ્માત બાદ તેમનું માથું કપાઈ ગયું હતું. જ્યારે પોલીસે આ દ્રશ્ય જોયું તો પોલીસકર્મીઓ પણ ચોંકી ઉઠ્યા હતા. જો કે એ બાદ મૃતદેહોને કારમાંથી બહાર કાઢી શબઘરમાં રખાયા હતા. 

પોલીસે જણાવ્યું કે ખોખરા ગામમાંથી પસાર થતી ફોરલેન પર આ અકસ્માત થયો હતો. મોડી રાત્રે લગભગ 2:00 વાગ્યાની આસપાસ પાછળથી આવતી એક કાર ફોરલેન પર ટ્રક સાથે અથડાઈ હતી. આ અકસ્માત સમયે ત્યાં હાજર લોકોએ પોલીસને જણાવ્યું કે ટ્રક ડ્રાઈવરે અચાનક ટ્રકની સ્પીડ ધીમી કરી હતી જેના કારણે કાર પાછળથી તેની સાથે અથડાઈ હતી. 

જણાવી દઈએ કે આ અકસ્માતમાં કારમાં સવાર બનાસકાંઠા ગુજરાતના રહેવાસી પ્રભુભાઈ, તેમની પત્ની સુશીલા અને સુશીલાની માતા સંતોષ બહેનનું મોત થયું હતું. સોજાત પોલીસે જણાવ્યું કે જવાન પ્રભુભાઈ બિકાનેરમાં પોસ્ટેડ હતા. તેની સાસુ સંતોષ પેરેલાઇઝ હતા. પતિ પત્ની સાસુ સાથે બુટાટી ધામ જઈ રહ્યો હતો. સાસુ સંતોષ બેનને ત્યાં સારવાર કરાવવાની હતી, પરંતુ સારવાર મળે તે પહેલા જ મોત નીપજ્યું હતું.