ભયાનક અકસ્માત / કડીમાં આઇસર-રીક્ષા વચ્ચે ભયાનક અકસ્માત, રીક્ષાનો કડુસલો વળી ગયો

કડી તાલુકાના નંદાસણ રોડ પર ઉંટવા પાટીયા નજીક જય ભોલે હોટલની સામે એક ગમખ્વાર અકસ્માતમાં 4 લોકોએ જીવ ગુમાવ્યા છે. રીક્ષા અને આઇસર વચ્ચે થયેલા આ ગંભીર અકસ્માતમાં રીક્ષામાં રહેલા ચારેય લોકોનાં મોત નિપજ્યાં છે.

ચાર લોકોનાં ઘટનાસ્થળે જ નિપજ્યાં મોત

પ્રાથમિક માહિતી અનુસાર મુળ પાટણના અને હાલમાં નંદાસણ ખાતે રહેલા ચાર લોકોનાં મોત નિપજ્યાં છે. રીક્ષા નંબર GJ 18 BY 1537 અને આઇસર નંબર GJ 02 ZZ 440 વચ્ચે ભયાનક અકસ્માત થયો હતો. મૃતકોમાં ત્રણ પુરૂષ અને એક મહિલાનો સમાવેશ થાય છે.

બે ગંભીર રીતે ઘાયલ થયા

આ ગંભીર અકસ્માતમાં અન્ય બે લોકો ગંભીર રીતે ઇજાગ્રસ્ત થયા છે. જેમને સારવાર માટે નજીકની ખાનગી હોસ્પિટલમાં ખસેડવામાં આવ્યા છે. ઘટના અંગે માહિતી મળતાની સાથે જ પોલીસ કાફલો ઘટના સ્થળે પહોંચી ચુક્યો છે. સમગ્ર મામલે તપાસ આદરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ