સોશિયલ મીડિયામાં આજકાલ ઘણા ફોટો અને વિડિયો વાયરલ થતાં હોય છે પરંતુ અમુક એવા પણ હોય છે જેનાથી લોકોને પ્રેરણા મળે. ખરેખર, હમણાં એક ફોટો સોશિયલ મીડિયા પર વાયરલ થઈ રહ્યો છે, જેમાં એક બાળક રસ્તાની બાજુમાં શાકભાજી વેચી રહ્યો છે અને સાથે જ તેનો અભ્યાસ પણ કરી રહ્યો છે.
સડક કિનારે શાકભાજી વેચવાની સાથે ભણી રહ્યો છે બાળક
સોશિયલ મીડિયામાં વાયરલ થઈ પોસ્ટ, લોકોએ ધગશને વખાણી
IAS અધિકારીએ લખ્યું, હો કહીં ભી, પર આગ જલની ચાહિએ
ઘણી વખત આવી કેટલીક બાબતો આપણી નજર સામે આવે છે, તે જોતા કે આપણે પણ પ્રેરણા લઈ શકીએ. તાજેતરમાં સોશિયલ મીડિયા પર આવો જ એક ફોટો વાયરલ થઈ રહ્યો છે, જે ખરેખર લોકોને મહેનતનું મહત્વ સમજાવશે. આ ફોટો એક IAS અધિકારી ઓમ પ્રકાશ ચતુર્વેદીએ શેર કર્યો છે. ફોટો શેર કરતી વખતે તેણે કેપ્શનમાં લખ્યું, "હો કહીં ભી, પર આગ જલની ચાહીએ" ફોટામાં દેખાતા બાળકનું નામ પુષ્પેન્દ્ર સાહુ છે, જે 7 માં વર્ગમાં ભણે છે.
हो कही भी आग, लेकिन आग जलनी चाहिए। @AwanishSharan सर , आपके ट्वीट से उपर्युक्त वाक्य लिए गए है, एवं पिक्चर मेरे द्वारा आज NH30 में ली गई है । He is pushpendra sahu studying in class 7. pic.twitter.com/XhK2mBMLky
આ ફોટો પર અત્યાર સુધીમાં 28 હજારથી વધુ લાઈક્સ આવી ચુકી છે. લોકો આ બાળકની ભારે પ્રશંસા કરી રહ્યાં છે અને ફોટો પર ઘણી કોમેન્ટ્સ પણ આવે છે. બાળકના જુસ્સા અને મહેનતને જોઇને લોકો લખી રહ્યા છે કે આ બાળક મોટા થઈને એક અધિકારી બનશે અને તેના પરિવારનું નામ રોશન કરશે. તે જ સમયે, કેટલાક લોકો સરકારની નીતિઓ પર પણ સવાલ ઉઠાવી રહ્યા છે કે બાળકને ભણતરની સાથે આવું કામ કરવા માટે મજબૂર બનવું પડ્યો.
મહત્વનું છે કે હાલમાં ભારતમાં આમ પણ કોરોનાના લીધે ઘણા રાજ્યોમાં એક લાંબા અંતરાલ પછી હવે શાળાઓ ખૂલી રહી છે, જેમાં વિદ્યાર્થીઓને તેમના માતા પિતા દ્વારા સંમતિ પત્ર લાવવાનું કહેવામાં આવે છે, જો કે જે ગરીબ બાળકોના માતા પિતા દૈનિક મજૂરી કે શ્રમ કાર્ય કરીને પોતાનું પેટિયું રળે છે, તેમના બાળકોને પૂરતું શિક્ષણ મળી શકે તેવા પગલાંની હજુ પણ દેશમાં અછત છે.