Women's Day Special / જે ક્ષેત્રમાં મહિલાઓ જાય એ વિચારવું અધરું છે એવા વિષય પર સાયન્ટિસ્ટ બની આ મહિલાએ રચ્યો ઈતિહાસ

• મારી માટે અભ્યાસ કરાવવો એ યોગ જ છે: કૌશલ રાજેન્દ્રન 
• નેશનલ ઍવૉર્ડ ફોર વુમન સાયન્ટિસ્ટથી સન્માનિત કરાયા કૌશલ રાજેન્દ્રનને 
• 1987માં સિસ્મોલોજી વિષયમાં પીએચ.ડી. કરવા માટે કુશલ અમેરિકા ગયાં હતા 

કૌશલનું જીવન ભૂકંપ અને સુનામીની આસપાસ જ ફર્યું છે 

જ્યારે કૌશલનું જીવન તો ભૂકંપને સુનામીની આસપાસ જ ફરે છે. તેઓ પોતાના પતિની સાથે રહીને આ સંદર્ભે ઘણા મહત્ત્વનાં કામ કરી ચૂક્યાં છે. આ કાર્ય માટે તેમને ભારત સરકારે નેશનલ ઍવૉર્ડ ફોર વુમન સાયન્ટિસ્ટથી સન્માનિત પણ કર્યા છે. 2004માં દક્ષિણ ભારતના કાવેરીપટ્ટનમમાં સુનામી આવી ત્યારે કુશલ અને તેમના પતિ બંનેએ સાથે મળીને રિસર્ચ કર્યું જેના દ્વારા સ્પષ્ટ થયું કે 1 હજાર વર્ષ પહેલાં પણ આ જગ્યા પર આ રીતની કોઈ ઘટના બની હતી. મિટ્ટીના અવરોધ દ્વારા આ વાતની સાબિતી મળી હતી.

દીકરીઓને અભ્યાસ કરાવવામાં આવતો ન હતો દક્ષિણ ભારતીય પરિવારમાં

કૌશલનો જન્મ એવા દક્ષિણ ભારતીય પરિવારમાં થયો હતો, જ્યાં દીકરીઓને અભ્યાસ કરાવવામાં આવતો ન હતો, પરંતુ સ્નાતક થયા પછી તેમનાં લગ્ન કરાવી દેવામાં આવતાં હતાં. જોકે આ બાબતમાં કૌશલનસીબદાર હતાં, તેમને માસ્ટર્સ સુધીનો અભ્યાસ કરવાની તક મળી. એટલું જ નહીં, આગળ અભ્યાસ માટે તેઓને તિરુવનંતપુરમથી કેરલા અને પછી IIT રુડકી મોકલવામાં આવ્યાં. કૌશલનાં બહેન ત્યાં નોકરી કરી રહ્યાં હતાં, માટે આ વાત શક્ય બની શકી. તેમણે ભૂભૌતિક (જિયોફિઝિક્સ)નો અભ્યાસ કર્યો. આ વિષય પર અભ્યાસ કરનારા ત્યાં માત્ર 6 વિદ્યાર્થીઓ હતા, જેમાંથી એક માત્ર મહિલા કૌશલ હતી.

પીએચ.ડી. કરવા માટે કૌશલ અમેરિકા ગયાં

1987માં સિસ્મોલોજી વિષયમાં પીએચ.ડી. કરવા માટે કૌશલ અમેરિકા ગયાં. 1993માં તેઓ પરત ફર્યાં અને નેશનલ સેન્ટર ફોર અર્થ સાયન્સ સ્ટડીઝની સાથે કામ કર્યું. પછી એસોસીએટ પ્રોફેસર તરીકે ભારતીય વિજ્ઞાન સંસ્થામાં જોડાયાં. આ સમય દરમિયાન તેમની મુલાકાત પ્રસિદ્ધ ભૂવિજ્ઞાન સી.પી.રાજેન્દ્ર સાથે થઈ અને તેઓ લગ્નગ્રંથિએ જોડાયાં. લગ્ન પહેલાં પણ બંનેએ સાથે મળીને ઘણા બધા પ્રોજેક્ટ પર કામ કર્યું હતું.