કારસો / છોકરીઓ લોનના ફોન કરે તો પિંગળતા નહીં, મોરબીમાં જે બન્યું તે ચોંકાવનારું, હનીટ્રેપમાં ફસાઈ ગયો યુવક

• મોરબીના હળવદમાં હનીટ્રેપમાં ફસાવવા માટેના કાવતરાનો પર્દાફાશ
• યુવાન પાસેથી સમાધાન માટે દસ લાખ રૂપિયાની માંગણી કરાઈ હતી 
• સમગ્ર મામલે પોલીસ ફરિયાદ થતાં પર્દાફાશ થયો

મોરબી જિલ્લાના હળવદ તાલુકાનાં જુના દેવળીયા ગામે રહેતા યુવાનને કાર લોન માટે મહિલા અવાર-નવાર ફોન કરતી હતી અને ત્યાર બાદ તેને હનીટ્રેપમાં ફસાવવા માટેનું કાવતરું કરવામાં આવ્યું હતું અને યુવાનને ફોન કરીને દસ લાખ રૂપિયાની માંગણી કરી હતી જેથી કરીને યુવાને ફરિયાદ નોંધાવી હતી જેના આધારે પોલીસે આ ગુનામાં એક મહિલા સહિત કુલ ચાર આરોપીઓને પકડી લેવામાં આવેલો છે અને આ ગુનામાં હજુ એક આરોપીને પકડવાનો બાકી છે તેને પકડવા માટે ચક્રોગતિમાન કરેલ છે.

મોરબીના હળવદમાં હનીટ્રેપમાં ફસાવવા માટેના કાવતરાનો પર્દાફાશ
મોરબી સહિત સૌરાષ્ટ્ર અને ગુજરાતમાં હનીટ્રેપના ઘણા કિસ્સા સામે આવે છે આવી જ રીતે મોરબી જિલ્લાના હળવદ તાલુકાનાં જુના દેવળીયા ગામે રહેતા કૃણાલભાઇ વિનોદભાઇ અઘારા જાતે પટેલ (24)ને હનીટ્રેપમાં ફસાવવા માટેનો કારસો રચવામાં આવ્યો હતો અને ત્યારે એક મહિલા દ્વારા રાજકોટ દ્વારકેશ ઓટોલીંક નામની ફાયનાન્સ પેઢીમાંથી લોન માટે ફોન કરવામાં આવતા હતા અને ત્યાર બાદ શ્યામ રબારી નામના કોઈ શખ્સે તેના ફોન ઉપર ફોન કરીને કહ્યું હતું કે મારી પત્ની સાથે કેમ વાત કરે છે તેવું કહીને જેમ ફાવે તેમ ગાળો આપી હતી અને ઘરેથી ઉપાડી જઇ જાનથી મારી નાંખવાની ધમકી આપી હતી ત્યારે બાદ યુવાન પાસેથી સમાધાન માટે દસ લાખ રૂપિયાની માંગણી કરવામાં આવી હતી

સમગ્ર મામલે પોલીસ ફરિયાદ નોંધાઈ
ઘણી વખત આવી રીતે કોઈના ધમકી વાળા ફોન ચાલુ થાય છે અને ત્યાર પછી ભેજાબાજો દ્વારા સમાજમાં બદનામ કરવાની ધમકીઓ આપવામાં આવે છે જેથી ઘણા લોકો હનીટ્રેપમાં ફસાઈ જતાં હોય છે જો કે, આ યુવાનને તેના પરિવારને વાત કરી હતી અને ત્યાર બાદ પિતાને સાથે રાખીને આ મામલે પોલીસ ફરિયાદ નોંધાવી હતી જેથી કરીને પોલીસે પણ યુવાન અને તેના પરિવારની હિમંત વધારી હતી જેથી કરીને ભેજાબાજ શખ્સો દ્વારા હનીટ્રેપમાં ફસાવીને યુવાન પાસેથી રૂપિયા પડાવવામાં આવે તે પહેલા જ તેને પોલીસે પાંજરે પૂરી દીધા છે.

સમાધાન માટે 10 લાખ રૂપિયાની માંગણી કરાઈ હતી
આ યુવાનને પહેલા મહિલાએ સામેથી ફોન કર્યો ત્યાર બાદ તેનો પતિ હોવાનું કહીને એક શખ્સે ધમકીઓ આપી હતી અને પછી જયદીપસિંહ મહેન્દ્રસિંહ જાડેજા અને રવીભાઇ દીલીપભાઇ ખટાણાએ શ્યામ રબારી સાથે સમાધાનની વાત કરીને રૂપીયા દસ લાખ આપવાના હતા તે અમે આપી દીધા છે તેવી કહીને યુવાન પાસેથી 10 લાખ રૂપિયાની માંગણી કરી હતી જેથી ફરિયાદી યુવાને પોતાનો મોબાઇલ ફોન બંધ કરી દીધો હતો જેથી કરીને જયદીપસિંહ મહેન્દ્રસિંહ જાડેજા તેમજ રવીભાઇ દીલીપભાઇ ખટાણાએ ફરિયાદીના પિતાના મોબાઇલ ફોન પર ફોન કરી તમારા દિકરાનુ સમાધાન કરાવેલ છે તેના દસ લાખ રૂપિયા તમારે આપવા પડશે નહીતર તમારા દિકરાને ઘરેથી ઉપાડી જઇ મારી નાંખશુ તેવી ધમકી આપી હતી અને બાદમાં જેતપર ગામે આવેલ તેની દુકાને પણ પહોચ્યા હતા જેથી યુવાને મોરબી તાલુકા પોલીસ સ્ટેશને ફરિયાદ નોંધાવી હતી તેના આધારે પોલીસે જયદીપસિંહ મહેન્દ્રસિંહ જાડેજા, રવીભાઇ દીલીપભાઇ ખટાણા, મયુર ગોવિંદભાઇ ખટાણા અને બિનલબેન દોશીની ધરપકડ કરવામાં આવી છે.

વર્તમાન સમયમાં લોકોને અવાર નવાર મહિલાના જુદીજુદી સ્કીમો આપવાની વાતો કરીને ફોન ઉપર ફોન આવતા હોય છે ત્યાર બાદ યેનકેન પ્રકારે લોકોને હનીટ્રેપમાં ફસાવીને તેની પાસેથી રૂપિયા પડાવવામાં આવતા હોય છે આવો જ ઘાટ મોરબીમાં પણ આ ગેંગ દ્વારા યુવાન સામે ઊભો કરવામાં આવ્યો હતો જો કે,  સમયસર ફરિયાદ કરવામાં આવી હતી અને પોલીસે પણ તાત્કાલિક રિસ્પોન્સ આપ્યો હોવાથી હાલમાં મહિલા સહિતના આરોપીઓ પકડાઈ ગયેલ છે જો કે, લોકોને બિન જરૂરી કોલમાં રિપ્લાઈ ન આપવા માટે પોલીસે અપીલ કરેલ છે.