યો યો હની સિંહની પત્ની શાલિની તલવારે કોર્ટનો ફરીયાદ દાખલ કરી છે
મુશ્કેલીમાં ફસાયો સિંગર હની સિંહ
પત્ની શાલિનીએ ઘરેલુ હિંસાનો કર્યો કેસ
દિલ્હીની તીસ હજારી કોર્ટે હની સિંહ વિરુદ્ધ નોટિસ જાહેર કરી
બોલિવુડ સિંગર અને એક્ટર યો યો હની સિંહની પત્ની શાલિની તલવારે કોર્ટનો દરવાજો ખખડાવ્યો છે. હકીકતે તેમણે સિંગર પર 'ધ પ્રોટેક્શન ઓફ વુમન ફ્રોમ ડોમેસ્ટિક વાયલેન્સ એક્ટ' હેઠળ અરજી દાખલ કરી છે. દિલ્હીના તીસ હજારી કોર્ટમાં આ અરજી દાખલ કરવામાં આવી છે.
28 ઓગસ્ટ સુધી જવાબ આપવા આદેશ
આ અરજી તીજ હજારી કોર્ટની મજીસ્ટ્રેટ તાનિયા સિંહની સામે રજુ કરવામાં આવી હતી. વકીલ સંદીપ કપૂર, અપૂર્વા પાંડે અને જીજી કશ્યપે શાલિની તલવારની તરફથી અરજી મજીસ્ટ્રેટની સામે મુકી. કોર્ટે હની સિંહ વિરૂદ્ધ એક નોટિસ જાહેર કરી છે. જેમાં તેમણે સિંગરને 28 ઓગસ્ટ પહેલા રિપ્લાઈ ફાઈલ કરવાની વાત લખી છે. બન્નેની જોઈન્ટ પ્રોપર્ટીને વહેચવા અને સ્ત્રીધનથી છેડછાડ કરવા પર પણ હની સિંહ પર રોક લગાવવામાં આવી છે. શાલિની તલવારના ફેવરમાં જ ઓર્ડર પાસ કરવામાં આવ્યો છે.
પત્ની શાલિનીએ લગાવ્યો ગંભીર આરોપ
હની સિંહની પત્નીએ સિંગર પર ઘણા ગંભીર આરોપો લગાવ્યા છે. શારીરિક હિંસા, યૌન હિંસા, માનસિક ઉત્પીડન અને આર્થિક હિંસાનો આરોપ શાલિનીએ હની સિંહ સહિત તેના માતા-પિતા અને બહેન પર લગાવ્યો છે. કોર્ટે શાલિનીને કહ્યું કે તેમનું સ્ત્રીધન તેમને પરત મળે અને જે પ્રોપર્ટી તેમના અને હની સિંહના નામ પર છે તેમના વેચાણ પર પણ રોક લગાવવામાં આવે.
20 વર્ષની મિત્રતા બાદ કર્યા હતા લગ્ન
જણાવી દઈએ કે હની સિંહ અને શાનિલી તલવારે 20 વર્ષની મિત્રતા અને પ્રેમ બાદ વર્ષ 2011માં લગ્ન કર્યા હતા. સિખ રીતિ-રિવાજથી દિલ્હીના ફાર્મહાઉસમાં બન્નેએ લગ્ન કર્યા હતા. જોકે આ લગ્ન વિશે બહારના લોકોને જાણ ન હતી. વચ્ચે હની સિંહનું નામ ફિયર ફાઈટર ખતરો કે ખિલાડી-5ની કન્ટેસ્ટન્ટ ડિયાના ઉપ્પલ સાથે પણ જોડવામાં આવ્યું હતું. પરંતુ હની અને શાલિનીનો સંબંધ ન હતો બદલાયો. ત્યાર બાદ બન્નેની લગ્નની તસ્વીરો સોશિયલ મીડિયા પર વાયરલ થવા લાગી હતી અને ડિયાના સાથે હનીના સંબંધ પર પૂર્ણ વિરામ લાગી ગયું હતું.