હની સિંહ એક મુશ્કેલ તબક્કામાંથી પસાર થયા છે. સિંગરે પોતાનામાં ઘણા ફેરફાર કર્યા અને 2.0 વર્ઝનની સાથે ઈન્ડસ્ટ્રીમાં પાછી વાપસી કરી. હનીએ કહ્યું કે જેટલા દિવસ તેઓ શોબાજીની દુનિયાથી દૂર રહ્યાં છે, તેમણે ઘણુ બધુ સહન કર્યુ છે. પોતાની મેન્ટલ હેલ્થ પર વાત કરતા હનીએ જણાવ્યું કે તેઓ દરરોજ મરવાની દુઆ માંગતા હતા.
હની સિંહે પોતાની મેન્ટલ હેલ્થ પર કરી વાત
હું દરરોજ મરવાની દુઆ માંગતો હતો
હું કામ અને દારૂમાં ગળાડૂબ થયો હતો
જીવનમાં થયેલા ઉતાર-ચઢાવ પર હની સિંહે કરી વાત
સિંગર અને રેપર હની સિંહની જર્નીમાં ઘણા ઉતાર-ચઢાવ જોવા મળ્યાં છે. સિંગર પોતાની તબિયતના કારણે એક લાંબા સમય સુધી ઈન્ડસ્ટ્રીથી ગાયબ રહ્યાં. પરંતુ જ્યારથી હની સિંહે વાપસી કરી છે ત્યારથી તેની ચર્ચા થઇ રહી છે. સિંગરના હાલમાં છૂટાછેડા થયા તો તેમના જીવનમાં નવા પ્રેમે પણ એન્ટ્રી લીધી. હની સિંહના જીવનમાં થયેલી તમામ ખેંચતાણ પર સિંગરે વાત કરી અને જણાવ્યું કે આ દરમ્યાન તેમને કયા પ્રકારના ખ્યાલ આવતા હતા, તો તેમણે કઈ ચીજ વસ્તુઓનો સામનો કરવો પડ્યો હતો.
એક ન્યુઝ સાથેની વાતચીતમાં હનીએ કહ્યું, મેન્ટલ હેલ્થના ઘણા બધા વેરિએશન્સ હોય છે. એન્જાયટી ડિસઓર્ડર કશુ નથી. શરદી-ખાંસી જેવુ છે. મને મેન્ટલ હેલ્થનો કોવિડ થયો. જેને સાઈકોટિક સિમ્પટમ અને બાયપોલર ડિઑર્ડર કહે છે. આ ખતરનાક વસ્તુ છે, કોઈને પણ ના થાય. મારા દુશ્મનને પણ નહીં. મેં દરરોજ દિવસ-રાત મરવાની દુઆ માંગી છે. હું પાગલ થયો હતો અને કામ અને દારૂમાં એટલો ડૂબી ગયો હતો કે સ્મોક કરતો હતો. આ બધી વસ્તુઓએ મારા મગજને હલાવી નાખ્યુ હતુ. હું ઊંઘતો જ નહોતો. એન્જાયટી જેવી કોઈ વસ્તુ નથી. હું જ્યાં જતો હતો, લોકોને હસાવતો હતો. મને આ બિમારીને સમજવામાં ત્રણ વર્ષ થયા હતા. લડવામાં, ડૉક્ટર શોધવામાં ચાર વર્ષ થયા. અત્યારે એક વર્ષથી મારા નવા ડૉક્ટર છે, ત્યારથી હું સારો થઇ રહ્યો છુ. હવે મને કોઈ સમસ્યા નથી.