FIR / રેપ સીંગર હની સિંહના સોંગ પર વિવાદ, મોહાલીમાં ફરિયાદ દાખલ

રેપ સિંગર હની સિંહ વિરૂદ્ધ પંજાબના મોહાલીમાં ફરિયાદ દાખલ થઈ છે. હની સિંહના નવા સોંગ મખનાના વિવાદ બાદ મોહાલીમાં રાજ્ય મહિલા પંચે ફરિયાદ દાખલ કરી છે. હની સિંહના નવું સોંગ મખનામાં વિવાદિત અને અશ્લીલ શબ્દોનો ઉપયોગ કરવામાં આવ્યો હોવાનો આરોપ છે. 

રાજ્ય મહિલા પંચે હની સિંહ અને ભૂષણ કુમાર વિરૂદ્ધ પંજાબના મોહાલીમાં ફરિયાદ દાખલ કરી છે. બંને પર સેક્શન 294 (ગીતોના માધ્યમથી અશ્લીલતા ફેલાવવી) અને 506 (ધમકાવવા) સહિત કેટલીક અન્ય ધારાઓમાં આ કેસ દાખલ થયો છે. 

રાજ્ય મહિલા પંચના ચેરપર્સન મનીષા ગુલાટીએ એક પત્ર લખીને હની સિંહ વિરૂદ્ધ કાર્યવાહી કરવાની માગ કરી છે. મનીષાએ પંજાબના ગૃહ સચિવ અને ડીજીપીને પત્ર લખીને વિરોધ દાખલ કર્યો છે. આ અંગે મનીષા ગુલાટીએ જણાવ્યું કે, અમે પોલીસને કહ્યું છે કે, સોંગમાં મહિલાઓ વિરૂદ્ધ અશ્લીલ શબ્દોનો પ્રયોગ કરવામાં આવ્યો છે. જેથી હની સિંહ વિરૂદ્ધ ફરિયાદ દાખલ કરવામાં આવે. તો આ સોંગને પંજાબમાં બેન કરવાની પણ માગ કરવામાં આવી છે. 

 

 

 

 

View this post on Instagram

 

 

 

 

 

 

 

 

 

Happy birthday to my OG brother Pinaki @phenomofficial

A post shared by Yo Yo Honey Singh (@yyhsofficial) on Jun 4, 2019 at 2:26am PDT

હની સિંહનુ આ સોંગ ડિસેમ્બર 2018માં રિલીઝ થયું હતુ. આ સોંગને હની સિંહ અને નેહા કક્કડે ગાયું છે. ટી સીરીઝની યૂ ટ્યૂબ ચેનલ પર આ સોંગને રિલીઝ કરવામાં આવ્યું હતુ. ગીતને ખૂબ જ પસંદ કરવામાં આવ્યું હતું. લિરિક્સ હની સિંહ લખ્યા હતા. 

ઉલ્લેખનીય છે કે આ પહેલા પણ 2013માં હની સિંહનું ગીત 'મે હું બળત્કારી'ને લઇને વિવાદ સર્જાયો હતો.