આરોપ / સિંગર હનીસિંહને લઈ પત્નીનો ચોંકાવનારો ખુલાસો, હનીમૂન સમયે બંધ રૂમમાં કરતો હતો આવી હરકતો

• યો યો હની સિંહની પત્ની શાલિની તલવારે કરી અરજી 
• દિલ્હીની તીજ હજારી કોર્ટમાં અરજી દાખલ કરી
• હનીમૂન પર મારઝૂડ કરવાના લગાવ્યા છે આરોપ 

યો યો હની સિંહની પત્ની શાલિની તલવારે કરી અરજી
બૉલીવુડના જાણીતા સિંગર અને રેપર યો યો હની સિંહની પત્ની શાલિની તલવારે હની સિંહ પર ઘરેલુ હિંસા, માનસિક શોષણ અને આર્થિક શોષણનો આરોપ મૂક્યો છે. શાલિનીનો આરોપ છે કે હની સિંહે, તેના માતા પિતા અને તેની નાની બહેને તેને ત્રાસ આપ્યો છે. શાલિનીએ ચારેય વિરુદ્ધ દિલ્હીની એક કોર્ટમાં અરજી કરી છે. 160 પાનાની આ અરજીમાં શાલિનીએ દસ વર્ષ જૂનો હનીમૂનના ખુલાસા કર્યા છે, જે આજ સુધી કોઈ જાણતું નથી. 

દિલ્હીની તીજ હજારી કોર્ટમાં અરજી દાખલ કરી
આ અરજીમાં તેણે કહ્યું છે કે બંને શાળામાં સાથે ભણતા હતા, જ્યાં બંનેનું અફેર શરૂ થયું હતું. લગભગ 10 વર્ષના પ્રેમ બાદ 14 માર્ચ 2010ના રોજ બંનેના ઘર પરિવારના સભ્યોની પરવાનગી લઈ સગાઈ કરી અને 23 જાન્યુઆરી 2011 ના રોજ તેમણે ગુરુદ્વારામાં લગ્ન કર્યા. સંગીતના પ્રેમને લઈ તેમણે હંમેશા હનીસિંહનો સાથ આપ્યો. લગ્ન પછી તેઓ તેમના હનીમૂન માટે મોરિસિયસ ગયા હતા અને ત્યાં જ હની સિંહે હાથ ઉપાડવાનું શરૂ કરી દીધું હતું. લગ્ન બાદ હનીસિંહનો વ્યવહાર બદલાઈ ગયો. જ્યારે તેણે હોટેલમાં આ વ્યવહાર વિશે વાત કરી તો તે એકદમ ગુસ્સે ભરાઈ ગયો હતો. 

હનીમૂન પર મારઝૂડ કરવાના લગાવ્યા છે આરોપ 
આગળ આ અરજીમાં લખ્યું છે કે હની સિંહે ત્યારે ગુસ્સામાં કહ્યું હતું કે "હની સિંહને સવાલ કરવાની હિંમત કોઈની નથી, તો તારે પણ મને કોઈ સવાલ કરવો નહીં" આગળ હની સિંહે કહ્યું હતું કે "હું પહેલેથી જ લગ્નને લઈ હેરાન છું, હું લગ્ન કરવા નહોતો માંગતો, પણ મે તારી સાથે લગ્ન કરવાનો વાયદો કર્યો હતો, એટલે મારે લગ્ન કરવા પડ્યા" આ વાત સાંભળ્યા બાદ શાલિની તૂટી ગઈ હતી. આટલું કહીંને તે હોટેલના રૂમમાંથી બહાર નીકળી ગયો હતો. દસ બાર કલાક સુધી તે ઘરે પાછો આવ્યો નહીં, અને તે વિશેનું કારણ પૂછતાં ઘણી ખરાબ રીતે તેની સાથે મારઝૂડ કરી હતી.