હોન્ડા એક્ટિવાને 125 સીસી સેગમેન્ટમાં હંમેશાથી સુઝુકી એક્સેસ 125થી ટક્કર મળે છે. તાજેતરમાં લોન્ચ હોન્ડાની જ ગ્રાજિયા પણ હોન્ડા એક્ટિવાવે ટક્કર આપી રહી છે. જો કે હોન્ડા એક્ટિવાને મળી સફળતાને કંપની ક્યારેય ભુલી શકતી નથી. હોન્ડા મોટરસાઇકલ અને સ્કૂટર ઇન્ડિયાએ ખાનગી રીતે એક્ટિવા 125નું અપગ્રેડ મોડલ લોન્ચ કરી દીધું છે. હોન્ડા એક્ટિવા 125માં ગ્રાહકોને નવા ફીચર અને કોસ્મેટિક એન્હાસમેન્ટ મળશે. જો કે કંપનીએ આ કિંમતમાં પણ 2116 રૂપિયાનો વધારો કર્યો છે.
હોન્ડા એક્ટિવા 125 ના 2018 મોડલની એક્સ શોરૂમ દિલ્હી કિંમત 59 621 રૂપિયાથી શરૂ થાય છે અને 64 007 રૂપિયા સુધી જાય છે. જણાવી દઇએ કે એક્ટિવા 125નું નવું મોડલ કંપનીના એ 18 પ્રોડક્ટ્સમાં સામેલ છે જેને કંપની આ વર્ષે અપગ્રેડ કરવાની હતી. આ નાણાકીય વર્શમાં કંપની એક નવું ટુ વ્હીલર લોન્ચ કરવાની છે.
નવા હોન્ડા એક્ટિવા 125 એલઇડી હેડલેમ્પની સાથે આવે છે. એની સાથે કંપનીએ એમાં 4 ઇન 1 લોક આપ્યું છે જે સીચ ઓપનર સ્વિચ સાથે આવે છે. હોન્ડાએ એમાં ઇન્સ્ટ્રુમેન્ટ કલસ્ટર આપ્યું છે જે ઇકો સ્પીડ ઇન્ડિકેટર અને સર્વિસ ડ્યૂઇન્ડિકેટરની સાથે આવે છે.
નવા હોન્ડા એક્ટિવા 125માં કંપની યૂએસબી ચાર્જિંગ સોકેટનો વિકલ્પ આપે છે. નવા એક્ટિવાની ડિઝાઇનમાં કોઇ ખાસ ફેરફાર કરવામાં આવ્યો નથી.
નવા એક્ટિવામાં 12 ઇંચની અલોય વ્હીલ મળે છે. જે સ્લિવ્રની જગ્યાએ ડાર્ક ગ્રે કલરમાં આવે છે.