ઓટો / Honda Graziaની સ્પોર્ટ્સ એડિશન ભારતમાં લોન્ચ કરાઈ, જાણો તમારા બજેટમાં આવશે કે નહીં

• નાઇટ સ્ટાર બેલ્ક અને સ્પોર્ટ્સ રેડ કલરમાં જોવા મળશે
• સ્પેશિયલ વેરિયન્ટમાં નવો લોગો આપવામાં આવ્યો છે
• રોમાંચ અનુભવ કરનારા રાઇડર્સને ધ્યાનમાં રાખીને ખાસ ડિઝાઈન કરાયા

બે કલરમાં લોન્ચ કરાઈ 
હોન્ડાએ ગ્રાઝીયાનાં નવા સ્પોર્ટ્સ એડિશનને બે રંગોમાં લોન્ચ કર્યું છે, જેમાં પર્લ નાઇટ સ્ટાર બ્લેક અને સ્પોર્ટ્સ રેડ કલર અવેલેબલ છે. ભારતીય માર્કેટમાં તેની ગુરુગ્રામ એક્સ શોરૃમ કિંમત 82,564 રૃપિયા કિંમત રાખવામાં આવી છે. જેને ગ્રાહકો હોન્ડાનાં ડિલરશિપ પાસેથી બુક કરાવી શકે છે.

વધુ એગ્રેસિવ લૂક આપવામાં આવ્યો છે 
તેનાં સ્પેશિયલ વેરિયંટમાં આપવામાં આવેલ સ્પોર્ટી કલર અને ગ્રાફિક્સ તેનાં પહેલાનાં એડિશન કરતા વધારે એગ્રેસિવ લાગે છે. તેનું એજી હેડલેમ્પ અને પોઝિશન લેમ્પ સ્કૂટરનાં ફ્રંટને આકર્ષક બનાવે છે. તેમાં નવા રેસિંગ સ્ટ્રાઇપ અને રેડ બ્લેક કલરનાં રિયર સસ્પેન્શન તેને શાનદાર લૂક આપે છે. ગ્રાઝીયાનાં સ્પેશિયલ વેરિયંટમાં નવો લોગો પણ આપવામાં આવ્યો છે. 

6000 આરપીએમનું એન્જિન 
તેમાં પાવર માટે ફેન કૂલ્ડ, 4 સ્ટ્રોક, એસઆઈ એન્જિન આપવામાં આવ્યું છે. તેનું એન્જિન 6,000 આરપીએમ પર 6.07 Kwની મેક્સિમમ પાવર અને 5,000 આરપીએમ પર 10.3 Nmની પીક ટોર્ક જનરેટ કરે છે.  તેનું એન્જિંન ઓટોમેટિક (V-મેટિક) ટ્રાન્સમિશન સાથે જોવા મળશે. તેનાં ફ્રંન્ટમાં 190 મિલીમીટરની ડિસ્ક બ્રેક અને રિયરમાં 130 મિલીમીટરનાં ડ્રમ બ્રેક્સ આપવામાં આવ્યા છે. 

આધુનિક 125 સીસી અર્બન સ્કૂટર 
ગ્રાઝીયા સ્પોર્ટ્સ એડિશન અંગે વાત કરતા એત્સુશઈ ઓગાતા, મેનેજિંગ ડાયરેક્ટર, પ્રેસિડેન્ટ અને સીઈઓ, હોન્ડા મોટરસાઇકલ અને સ્કૂટર પ્રાઇવેટ લિમિટેડ દ્વારા કહેવામાં આવ્યું કે, ગત 20 વર્ષોમાં હોન્ડાએ સ્કૂટર બજારમાં નવા આયામો આપ્યા છે. લોન્ચ વખતે હોન્ડા મોટરસાઇકલ અને સ્કૂટર ઈન્ડિયા પ્રાઇવેટ લિમિટેડ ડાયરેક્ટર યદવિંદર સિંહ ગુલેરિયાએ કહ્યું કે, હોન્ડા ગ્રાઝીયા એક આધુનિક 125 સીસી અર્બન સ્કૂટર છે. જેને રોમાંચનો અનુભવ કરનારા રાઇડર્સને ધ્યાનમાં રાખીને ડિઝાઈન કરવામાં આવ્યું છે.