દિગ્ગજ ઓટોમોબાઈલ કંપની હોન્ડાએ ભારતમાં લોકડાઉનમાં થોડી છૂટ મળતા દેશભરમાં 155 ડીલરશિપ્સ ખોલી દીધી છે. લોકડાઉનને કારણે ઓટોમોબાઈલ કંપનીઓને ભારે નુકસાન થયું છે. જેથી આ નુકસાનને પહોંચી વળવા કંપનીઓ બેસ્ટ ઓફર્સ આપીને ગ્રાહકોને આકર્ષિત કરી રહી છે.
હોન્ડા પણ તેની સેલ બૂસ્ટ કરવા માટે તેની સૌથી પોપ્યુલર કાર પર 1 લાભ રૂપિયાનું ડિસ્કાઉન્ટ અને અન્ય બેનિફિટ્સ આપી રહી છે. આ ડિસ્કાઉન્ટ વર્તમાન મોડલ પર મળી રહ્યું છે. જ્યારે કંપની ટૂંક સમયમાં નવી હોન્ડા સિટી પણ લોન્ચ કરવાની છે. જેથી જો હોન્ડાની આ પોપ્યુલર સિડાન કાર ખરીદવાનું વિચારી રહ્યાં છો તો આ તમારા માટે શાનદાર ઓફર છે.
એન્ટ્રી લેવલના વેરિઅન્ટ પર 45000 રૂપિયાનું ડિસ્કાઉન્ટ
હોન્ડા સિટીના એન્ટી લેવલ S MT, V MT અથવા V CVT વેરિઅન્ટ પર 20 હજાર એક્સચેન્જ બોનસ અને 25000 કેશ બોનસ મળી રહ્યું છે. આ રીતે ટોટલ 45000 રૂપિયા બચત કરી શકો છો.
મિડ સ્પેક વેરિઅન્ટ પર 72000 રૂપિયા સુધીની છૂટ
મિડ સ્પેક VX મેન્યુઅલ ટ્રિમ પર 37,000 રૂપિયાનું કેશ ડિસ્કાઉન્ટ અને 35 હજારનું એક્સચેન્જ બોનસ મળી રહ્યું છે. આ રીતે તમે કુલ 72 હજાર રૂપિયાની બચત કરી શકો છો.
ટોપ વેરિઅન્ટ પર 1 લાખ રૂપિયાનું ડિસ્કાઉન્ટ
હોન્ડા સિટીના ટોપ વેરિઅન્ટ પર તમે 1 લાખ રૂપિયા સુધીનું ડિસ્કાઉન્ટ મેળવી શકો છો. જો તમે ZX MT, VX MT અથવા ZX CVT વેરિઅન્ટ ખરીદો છો તો તમે 1 લાખ રૂપિયાની બચત કરી શકો છો.