ઓટો / હોન્ડાની નવી સિડાન કાર થઈ લોન્ચ, શાનદાર લુક, ફીચર્સ અને કિંમત જાણી લેવાનું મન થઈ જશે

પેટ્રોલ વેરિઅન્ટની માઈલેજ

હોન્ડા સિટીનું પેટ્રોલ વેરિયન્ટ 1.5L i-VTEC એન્જિનથી પાવર્ડ હશે અને તે 6 સ્પીડ મેન્યુઅલ ગિયરબોક્સ અને CVT બંને ઓપ્શનમાં ઉપલબ્ધ હશે. 6,000 rpm પર એન્જિન 121PSનો પાવર અને 4,300 rmp પર 145Nmનો પીક ટોર્ક જનરેટ કરે છે. પેટ્રોલ એન્જિનવાળી નવી હોન્ડા સિટીનું મેન્યુઅલ વેરિઅન્ટ 17.8 કિમી પ્રતિ લિટરની
માઈલેજ આપશે. કંપનીનો દાવો છે કે, CVT વેરિઅન્ટ 18.4 કિમી પ્રતિ લિટરની માઈલેજ આપશે.

24.1kmplની માઈલેજ આપશે ડીઝલ વેરિઅન્ટ

સિટી સિડાનનું ડીઝલ વેરિયન્ટ 1.5L i-DTEC એન્જિનથી પાવર્ડ હશે અને તે 6 સ્પીડ મેન્યુઅલ ગિયરબોક્સની સાથે આવશે. 3,600 rpm પર એન્જિન 100 PSનો પાવર અને 1,750 rpm પર 200 Nmનો પીક ટોર્ક જનરેટ કરે છે. કંપનીનો દાવો છે કે ડીઝલ વેરિઅન્ટ 24.1 કિમી પ્રતિ લિટરની માઈલેજ આપે છે. હોન્ડાનું કહેવું છે કે, એલેક્સા રિમોટ કનેક્ટિવિટી ફીચરની સાથે આ સિડાન ભારતની પહેલી કનેક્ટેડ કાર છે. કારમાં ટેલીમેટિક્સ કેન્ટ્રોલ યુનિટ (TCU)ની સાથે નેક્સ્ટ જનરેશન હોન્ડા કનેક્ટ આપવામાં આવ્યું છે. 

ફીચર્સ

અગાઉના મોડલની સરખામણીએ 2020 હોન્ડા સિટીમાં ડિઝાઈનના મામલે ઘણાં ફેરફાર કરાયા છે. પોતાના સેગમેન્ટમાં તે સૌથી લાંબી (4,549mm) અને પહોળી (1,748mm) કાર છે. તેને ASEAN NCAP 5 સ્ટાર રેટિંગ મળ્યું છે. અન્ય ફીચર્સની વાત કરીએ તો નવી હોન્ડા સિટી સિડાનમાં ઈલેક્ટ્રિક સનરૂફ, ફુલ એલઈડી હેન્ડલેમ્પ, એલઈડી ટેલ લાઈટ્સ, 17.7 cmનો HD ફુલ કલર TFT મીટર, લેનવોચ કેમેરા અને વીકલી સ્ટેબિલિટી આસિસ્ટ જેવા ફીચર અપાયા છે. 

કંપનીએ જૂનના છેલ્લા સપ્તાહમાં તેનું પ્રી-બુકિંગ શરૂ કર્યું હતું. ડીલરશિપ ઉપરાંત કંપનીના Honda from Home પ્લેટફોર્મનો ઉપયોગ કરી ઓનલાઈન બુકિંગ કરી શકાય છે. ઈન્ડિયન માર્કેટમાં આ મિડસાઈઝ સિડાન કારની ટક્કર મારુતિ સુઝુકી સિયાઝ, હ્યૂન્ડાઈ વરના, ફોક્સવેગન વેન્ટો, સ્કોડા રેપિડ અને ટોયોટા યારિસ સાથે થશે.