જાપાનની ઓટો કંપની હોન્ડા કાર્સ ઇન્ડિયા લિમિટેડે ગ્રેટર નોએડામાં પોતાના પ્રોડક્શન યુનિટને બંધ કર્યું છે. પ્રાપ્ત થયેલા સમાચાર અનુસાર, સ્પર્ધા અને વ્યવસાયના પડકારજનક માહોલ કારણે કંપનીએ આ નિર્ણય લીધો છે. જો કે, હોન્ડા કંપનીએ આ મામલે હજી સુધી કોઈ પ્રતિક્રિયા આપી નથી.
ગ્રેટર નોયડાના પ્લાન્ટમાં વાર્ષિક 1 લાખ કારનું હતું ઉત્પાદન
ઉલ્લેખનીય છે કે, ગ્રેટર નોઇડાના આ પ્લાન્ટમાં વર્ષે 1 લાખ કાર તૈયાર થતી હતી. હોન્ડા સિટી, Civic અને CR-V જેવી કાર હોન્ડાના ગ્રેટર નોઇડા યુનિટમાં બનાવવામાં આવી હતી. ભારતમાં આ કારોનું સારું બજાર છે, પરંતુ સ્પર્ધામાં વધારો થવાને કારણે માંગ થોડી ઓછી થઈ છે.
હોન્ડાનો પ્લાન્ટ 150 એકરમાં ફેલાયેલો છે
આ પ્લાન્ટની સ્થાપના 1997 માં ગ્રેટર નોઇડામાં થઈ હતી. જો સમાચારની વાત માની લેવામાં આવે તો ખર્ચ ઘટાડવા માટે કંપનીએ આ પગલું ભર્યું છે. રિપોર્ટ અનુસાર ગ્રેટર નોઈડામાં હોન્ડાનો પ્લાન્ટ 150 એકર જમીનમાં ફેલાયેલો છે.
કંપની દ્વારા કોઇ સત્તાવાર જાહેરાત નહીં
રિપોર્ટ અનુસાર ડિસેમ્બરની શરૂઆતથી આ પ્લાન્ટમાં ઉત્પાદન બંધ છે. રિપોર્ટ અનુસાર, હવે તમામ કારનું નિર્માણ કંપનીના રાજસ્થાનના અલવરમાં આવેલા તપુકારા પ્લાન્ટમાં કરવામાં આવશે. જો કે, ગ્રેટર નોઈડામાં પ્લાન્ટ બંધ થવા અંગે કંપનીએ કોઈ જાહેર અહેવાલ જારી કર્યો નથી.
કામદારોને રાજસ્થાન શિફ્ટ
ગ્રેટર નોઈડામાં આવેલા તપુકારા પ્લાન્ટમાં મેન્યુફેક્ચરીંગ કામદારોને શિફ્ટ કરવામાં આવ્યા છે. એવું કહેવામાં આવી રહ્યું છે કે હવે ગ્રેટર નોઈડા પ્લાન્ટમાં કર્મચારીઓની સંખ્યા ઘટીને 1000 થઈ ગઈ હતી. જેમાં મોટા ભાગના લોકોએ સ્વૈચ્છિક નિવૃત્તિ યોજના (VRS) પસંદ કરી છે.
1997માં બન્યો હતો આ પ્લાન્ટ
રાજસ્થાનના તપુકારા પ્લાન્ટમાં, વાર્ષિક 180,000 યુનિટ હોન્ડાની કાર બને છે. કંપનીનું કોર્પોરેટ કાર્યાલય અને આર એન્ડ ડી વિભાગ ગ્રેટ નોઇડાથી કાર્યરત રહેશે. ગ્રેટર નોઇડામાં આ પ્લાન્ટમાં 1997 માં ઉત્પાદન શરૂ થયું હતું, જ્યારે વાર્ષિક 30,000 કારનું ઉત્પાદન થતું હતું.